Blader door transcripties » Lokale Kronieken uit de Nederlanden 1500-1850

archieftoegang 1580_Antw_Wese, pagina 155

262
geconfedereert buyten gelegen hebbende, Syn ter
stont met grooter haesten Int Casteel getrocken //
Ten Selven daghe hebben die vanden Casteele diver¬
sche Schueten geschoten nae het volck vande staeten
buijten liggende
Des snachts tus¬
schen den 2en ende
3en Novembris
Hebben die vanden Casteele sekere groote stucken
los gelaeten tot wat eynde en weet men nijet
Opden 3en No¬
vembris 1576
Ter wijlen der Borgeren Raedt opt Stadthuys was
vergadert, Soe heeft den Gouverneur vande stadt
met den Grave van Overstaijn, voerder noenen ten 10 uren
Inne gelaeten het volck vanden staeten lancx De
Kipdorp poorte Dewelcke Syn Ingecomen ende
geleydt byden Grave van Egmont, Seven In een
gelith sonder trommelslach, ende syn Soe met grooter
haesten Ingeloopen nae Ste Michiels cloostere tot
21 xxi vendelen toe // Item de Ruyters nae de peerde
merct toe tot omtrent 1500 // Item terstont heeft
men In alle diligentie wolsacken nae het Casteel ghe¬
vuert ende een trensee aldaer begonst te graven al¬
waer de Borgers groote diligentie dyen dach ende
Den toecomende nacht hebben gedaen scheijdende
het Casteel vande Stadt, met een wal op ghe¬
worpen van het schermers huys aff tot aende
Croonenborch poorte toe // Item begonsten oock
groot geschut te stellen op tschermershuys, tegens
het Casteel // Item het Casteel ende die van t Veer
hebben alsdoen Seer sterck tegens de stadt In alle
manieren
263
manieren geschoten besundere omtrent den schans, Tot welc¬
ken eynde elck Borger heeft water
Boven
op Syn huys ghereedt ge¬
maect
Opden 3en
Novembris
Syn de Geuse Schepen alhier voer by den hoeck comen liggen
voer de Stadt schietende tegens het Veer
Ten selven
Daghe
Is de tydinge comen hoe dat het volck vande staeten gelegen
hebbende omtrent Herentals was geslagen vanden Spaengaerden
comende van Maestricht, ende Monssr de floijon Sone van
Barlaijmont wesende geallieert mette staeten, Was van
de Spaengaerden gevangen gevuert nae Lyere
Ten selven
daghe
Hebben het staeten volck begonst te plunderen sekere huysen
daer sommige spaensch goet Inne was berustende
Opden 4en
Novembris
1576
Syn voerden noene bynnen den Casteele gecomen alle de Spaen¬
sche Soldaten bynnen Aelst gelegen hebbende ende alle den meesten
deel vanden Soldaten ende ruyters tot Maestricht ende lyere
gelegen hebben, Welcken roep Inde stadt gecomen Synde, Syn
sommige Benden Ruyters ende Sommige Rotten knechten vuyt
getrocken lancx de Roode poorte, maer Syn te spaede gecomen //
Item ten Selven daghe op den middach Is alle de fortse vanden
Spaengaerden Soe te voete als te peerde wesende omtrent iijm 3000
ende met 5 v vendelen Duytsche knechten wesende hen geallieerde
ende sterck omtrent 1000 Mannen maecken tsamen 4000
met alder diligentien vuyten Casteele Ingevallen Inde Stadt
Inden wal den welcken wel twee Mans lengden hooch was,
Ende hebben niet tegenstaende alle de Defensie vande Waelen
ende noch de Defensie van 15 xv vendelen Duytsche Knechten
Siet oorspronk
ende voortganck
der nederlantsche
beroerten
door joan
gijsium
tot delft
1626 fol: 344