Blader door transcripties » Het Utrechts Archief

archieftoegang 34-4, inventarisnummer 9, pagina 124

disponeert by deesen haer Testament Codicil laetste ende
wterste wille in vuege nae volgende Ende eerst bene¬
lende haere ziele als die van deesen Lichaeme des doots
ontbonden sall sijn in handen van Godt almachtich ende
sijne grondelorse bermherticheijt in Christo Jesu allen gelo¬
nige versekert begeert haere verstorven lichaem inde
vergaderinge der Cristenheijt ter aerden begraven te werden
inde buyrkercke over schoor in haeres za: mans graftstede
met sulcke kercken dienst als dan inder kercke gebruyckt
sall werden, willende datmen over haer gheenen wijn geven
en sall maer datme in plaetsche van die op haere begraeffenis
ter discretie van haer naebenoemde executoren den besceftigen
armen deylen sall vier duysent weggen ijder wegge van
een halven stuver Ende voorts gaende tot Testamentaire
dispositie haerder tytlycke goederen heeft over eerst weder 2
roupen ende ten nyete gedaen wederroupt ende doet ten nijet by
deesen allen voorgaende Testamenten Codicillen gifte ende
maeken die zij eenichsins over date deeses tsij vuer wetten
ende gerechten notaris ende getuygen ofte andersins gemaeckt
heeft houdende allen ende ijder derselver hoe ende in wat manieren
daer van blycken mach crachteloos ende van onweerden gecusseert
gheannulleert ende te niete gedaen in crachte deeses Comende
dan vorders tot mijen dispositie haerder tijtlycken goederen
verclaerden sy comparante ende testatrice dat sy wt haere
gereerste goederen over vuyt geprelegateert ende gemaeckt
heeft prelegateert ende maeckt vuer vuyt by deesen Joncsse
Maria van holart haere dochter huysfrou van noel van
hautcourt ofte gebraeke haerer, haren echten levende
kijndere van des selffs haere dochters lyve gecommen die
rechte eene helfte der huysinge erff ende allen hare toebehooren
daer sy testatrice jegenwoordich Inne woent ende haer za¬
man inne gestorven Is van vooren tot richtere met die
cleijne huijsinge die daer van verhuyrt werdt sulcx ende in
allen schijn haere kinderen nae doode haeres mans die
weder helfte daeroff toebehoorden ende nae rate dergeenre
noch in zeven sijnde toebehoort, Ende daer toe noch alsulcke
drie renthen ende renthebrieven als sy comparante sprekende
heeft opden Capitule van Sunte Pieters kuytrecht ende haer