Blader door transcripties » Het Utrechts Archief

archieftoegang 34-4, inventarisnummer 9, pagina 119

Op huijden den vyff ende twyntichste may Anno xi
lxxxvij naer donde style Compareerden vuer mij
Jacob van herwaerden notaris publycq Egbert
Jacobsz Rynter audt omtrent ses ende dertich ende Jan
Ottenss van Rorn oudt seven ende twyntich Jaren
beyde laekencopers borgers tuytrecht tuijchde ende
verclaerden ten versueke van fredrick bruynensz
van Raephorst inde name van henrick Aertssen
vander Elburch haren mede borger tuytrecht
warachtich te sijn dat sij opden negen ende twijntichste
Aprilis lestlede ten huyse van Willem Coenraertssen
gevisireert hebben een Engelsch laeken genoempt
Wouter wexs middel sort dat henrick Aertssen (soe
fredrick bruijne in syne name verclaerden ) gecoft
heeft van mr Thomas Lee Engelsch coopman tot
middelborch residerende ende hebben tselve Inde lengte
van elfftalff ellen aen tsegel eijndt bevonden ander
gaern te sijn dan diereste vant selve laeken te weeten
strexich ende baldraijch soe dattet geen verff hadde muege
vatten waer doore sy by haere rechte kennisse seyden
ende verclaerden tselve laeken den pondt ende vier schellingen
groote vlaemsch minderweerde te syn dan oft die
faubiedaer nyet in en ware ende hierop versocht fredrick
bruijnenss Inden name als vooren acte die Ick hem
gegonst hebbe Aldus gedaen tuytrecht ten huys mijns
notaris onder mijne ende der comparanten hauden hier
onder gestelt
Egbert Jacob Wijnter
Jan Otten
Gewaerden Nots.