Blader door transcripties » Het Utrechts Archief

archieftoegang 34-4, inventarisnummer 9, pagina 111

Op huyden den negenthienden may xvc ende zeven ende
tachtentich naer doude style erscheerde vuer my
Jacob van herwaerden openbare notaris by den hove
provinciael van vuytrecht geedt ende toegelaten ende
den naekenoemde getuyge hiertoe versocht Thomas
van Oostrum wonende jegenwoordich binnen vuytrecht
ende verclaerden dat hij comparant van meeninge is
eerstdaechs ende metten eersten seekere Camp coorns
by syn stieffvader Eelgis van Schadick besaijt op
syns comparants houve gelegen tot houten onder den
gerechte van Schoonauwen te willen laten wijden ende
Schoonmaeken all ten eynde het voers coorn syn
volcommen wasdom te beter soude naege crygen dan
seijde hy comparant tselve nochtans nijet te wille
doen als erffgenaem van syn Stieffvader voers soe
hy comparants niets deesen geheelijcke van syne
voerseyde Stieffraders erffenisse is renuncierende ende
vertijende maer alleenlycken, om aen syne achterwesen
(welcke hij aen syne Stieffvaders ende moeders boedel
ten achtere is) te beter te muere geraeken, soe hem
tselve naede beste forme van rechte sall muegen
competeren daer van protesterende wel by expresse
versuekende daer van acte in forma die al hem
gegonst hebbe Aldus gedaen tuyrecht ten huyse van
meyster Jan vonden berch domheer int bywesen van
daniël van weede ende Aert van zijll als getuyge
daer toe versocht die deese metten comparant ende mij
notario ondt hebben ten Jare ende dage voerge
Thomas van oostrum
van Weede
Aert van zijll
verwaerden Notaris