Blader door transcripties » Het Utrechts Archief

archieftoegang 34-4, inventarisnummer 145, pagina 59

ter tijt toe de lugstlevende wederom
zal comen te verandersaten, ende tot een
tweede huijwelick quame te begeven
als wanneer soodanige lyftochte cesseren
zal, soo zy comparanten verstaen, des
den anderen nyet vorder te lyftochten als
tot herhylickens toe, onvermindert
welcke reciprocque lyftochte zy
comparanten van haere tytelicke goederen
disponerende, prelegateerden ende maecten
voor vuyt by desen, aen Adriaen van
dijck ende frederick van dijck haere
beyder soonen, off en gheenen, die by haer
comparanten leven nyet en sal wesen
uuytgehuijwelickt, elcx d'omme van
vyfthienhondert guldens, maeckende voor
hun beijden drie dusent guldens, ende dat
in vergelyckinge van clederen ende
bruyloffs costen, sulcx maria van dyck
ende Elisabeth van Dijck heurlieder compa-
ranten doechteren voor desen vuyt gehuywelickt
gehadt ende genooten hebben, willende
daerbeneffens, dat den gheene van hare
soonen, die by hun Testatoiren leuen
nyet en zyn vuyt gehuywelickt genieten
zullen soodanige mede gaven, als zy
Testatoiren elcx mitte voorschare
dochteren te huijwelick gegeven hebben
alles ten fine hare kinderen egalicken
sullen worden gegoet, hebbende voorts
zy comparanten tot hare erffgenamen
Inde vordere nae te latene goederen,
genoempt geinstitueert ende gestelt
als zy noemen institueren, ende stellen
by desen voorn. Adriaen van Dijck
Frederick van Dijck ende Elisabeth
van dijck hare kindere, off derselver
respective echte geboorten by representatie
gebraecke hare ouders, elcx in een
rechte vierdepaert, mitsgaders Johannes
van Velpen, soone van mr. Hubrecht
van veltpen by hem verwect aen Maria
van dijck zyne overledene huysvrouwe
haere Testatoiren dochter was, by
representatie in plaetse zyns moeders
int resterende vurdepaert, Onder
restrictie ende verbande nochtans
oft saecke ware, den voorn Johannes
van Velpen t'eeniger tijt deser werelt
quame te overlyden, sonder echte geboorte
nae te laten, dat alsdan d'goederen, en
selven Johannes in crachte deses aen te comen
wederom sullen gaen, erven ende succederen
ach hun comparanten andere kinderen
noch int leven wesende, ende gebracke
hemlieden ofte eenige vandijen der selver
respective geboorte, de plaetse van
hare affgestorven ouders representeren
beghle portien, alles sonder detractus
van Trebellianicque portie, dat is
t vierdepaert van goederen verbant subiect
gemaect zynde, sonder dat oock es
voorn. Johannes van Velten t' eeniger tyt
vermogen, b zal, by Testament off
anderssints, contrarie deses te disponeren
Alle twelcke voors. d'comparanten
verclaerden te wesen heurl. Testament
laeste ende werste wille, begerende
tselve effect te sorteren sulcx eenich
Testament, Codicille gifte onder
den levende ofte vuyt saecke des doots
ende eyntelick als wterste wille by
ouders onder den kinderen gemaect, bes-
valideren zal mogen, nyettegenstaende