Blader door transcripties » Het Utrechts Archief

archieftoegang 34-4, inventarisnummer 145, pagina 33

dat den heere verhuerder aen sich reserveert
t gewasch vande Els inden viercanten
bongaert int westen, Edoch sullen d'huerders
den zelven Els voor schade vande beesten
moeten bevryden, die daer inne sullen geweyt
worden, als mede int nooren gelegen
inden langen bougheit naest den dijck
alles op de poenen als naer rechten, sullen
oock d’huerders gesonden wesen in vergeldinge
vant voorss. moetsel der voorige boomen
soo wanneer daer eenige boomen vuytgaen
andere goede vruchtboomen inde peketse te
planten, oock inde voorschuersteren, beyde
de bongaerden tweemaels met messie
te doen ende leth besorgen, ende d voors
bongaeren mit gruppelen t'onderhouden,
alles theurl costen, ende sonder daer
voor ijets te mogh corten, Onder t verbant
ende submissie van contrahenten persoonen
ende goederen tot reule executie hoofts
t Vtrecht ende allen anderen rechteren,
Renuntierende d voors. huerders d'exceptie
van excussie ende divilie sulcx datmen
hemlieden ende elcx by sonder op voor all
ende Int geheel, voor tgeene voors.
zal mogen aenspreecken ende doen executeren
ende voorts van allen anderen exceptien
deses contrarie, Constituerende voorts
eboorn. huijders onwederroepel. mits
desen Rudolph van Rhyn procur. schooffs
van Utrecht voors, Omme te compareren
voorden selven hove ende hun constituanten
ende elcken bysonder in tgeene voors. te
laten condemneren, mitsgaders heurlieden ende
elcx bijsonders persoonen ende goederen daer
voor te doen verclaren executabel
ende voorts alles te doene sulcx de
comparanten selffs present wesende
zouden connen ofte mogen doen, alwaert
oock naerder macht behouffde, geloven
voor goet ende van weerden thouden
allen tgeene bijden voors gemachtichde
gedaen zal worden. Onder t verbant
als vooren versoecken d'comparanten
hier van acte en off meer is behoorl.
forme, Aldus gedaen ende gepasseert
Inden dorpe van Intphaes ten by wesen van
Johan van dyck ende sweder Aertsz
als getuygh hier toe versocht ende gebeden
get. by Willem
Jansz Staeltsz
Jan van Dyck
Laies de Malapert
Willem Janssen
van woerden
gerplij sweder
Aertssen voorss.
J. van Palen
Wits