Blader door transcripties » Het Utrechts Archief

archieftoegang 34-4, inventarisnummer 145, pagina 192

des anderen daer Inne tot erffgenamen
by desen instituerende, ende soo veel
dandere heurl goederen aengaet, soo
mobilen als immobilen, actien & crediten
gelt, goudt silver gemundt ende
ongemundt egheene vuytgesondert
tot wat plaetsen d'selve zouden mogen
gelegen zyn ofte exsteren, daer inne
des voors eygendom, hun comparanten
soude mogen zyn verboden, omme aen
malcanderen te maecken, hebben zy
comparanten malcanderen & d'en de
anderen reciproce, dat is over ende weder
over gemaect ende gegeven, als
zy malcanderen ende d'en den anderen reciproc-
quelicken geven ende maecken by desen
de lyfftochte ende usufruct, Omme
byde langstlevende, gebruyct &
beseten te worden, ten lijfftochten rechten
zijn ofte haer leven lanck geduerende
ende langer nyet, verclaren voorts
zy comparanten ten insichte van
kinderen
onmundige erffgen die zy souden mogen
nalaten, tot momboirs ende voochde
over d’selve heurlieder onmindige kinderen
te nomineren ende constitueren by desen,
Peter van Dyck, ende de E. hooch
geleerde mr. Johan Vlugstraten Raedt
ordinaris schooffs van Utrecht
voors. heurlieder comparanten broeder
ende neeff, nyet willende dat
by de selve eenigen staet off
Inventaris aende E. vroetschap
der Stadt Utrecht ofte der selver
Gecommitteerdens zal worden onergel.
veel min openinge reeckeninge
off aenbrengh aen haer E gedaen
tselve by desen expressel. verbiedende
Alle twelcke voors. d'comparanten
verclaerden te wesen heurl. beyden
Testament laeste & werste
wille, begerende tselve effect te
sorteren, sulcx eenich Testament
laeste ende wterste wille, codicille
gifte onder den levende ofte vuyt
saecke des doots best valideren
zal mogen nyettgenstaende hier
inne eenige solemniteyten mochten
wesen geomitteert. Op ende van alle
t geene voors. d'comparanten versocht
gemaect, ende heml gelevert te
worden en instrument off meer in
behoorende formen. Aldus gedaen ende
gepasseert ten comptoire myns
notary staende opde Gansemerct
binnen Utrecht, ter presentie van
Johan Bor ende Cornelis van Schayck
als getuijgh hier toe versocht
Willem van Dijck & Maria van Brevelt
J: Borch Cor van schayck
1638
W. van Galen
Een