Blader door transcripties » Het Utrechts Archief

archieftoegang 34-4, inventarisnummer 145, pagina 191

Bijden inhouden van desen jegenwoordigen
Instrumente sy condt een hijgelycken
dat inden Jare nader geboorte ons
lieffs heeren ende eenige salichmaeckers
Jesu Christi dusent ses hondert acht
ende dertich op eynsdach den xxxen
Octobris ouden stijls, primijns Openbaren
notarij byden Ed. Hove van Hollandt gead-
mitteert, binnen Utrecht residerende, Int
bij wesen der nabenoemde getuijgen d'Eersame
Willem van dijck, ende d' Eerbare
Maria Henrick van Brevelts dochter
zyne huysvrouwe, my notario bekent
beyde gesondt van lichaemen heuren
verstants alome machtich, aenmercken
smenschijlenen op deser aerden nyet
seeckerder te wesen als de doot ende
nyet onseecherder als de vrije vandijen
Omme welcke onseeckerheyt te
prevenieren by dispositie Testamentair
over haere tytelicke goederen. verclaerden
in crachte van Octroy hemluijden byden
Ed. Hove van Utrecht verleent den XXIIIen
deses maents ende jaers, ons verthoont
malcanderen ende d'es den anderen reciprocquelj
in vollen eygendom te geven ende maecken by
desen, alle hare ende elcx respective
goederen gelegen In Hollandt ende elders
ter plaetsen daer man ende vrouw
malcanderen naer costume ende
landtrecht, goederen connen ende mogen
maecken, Ende malcanderen ende dien