Blader door transcripties » Het Utrechts Archief

archieftoegang 34-4, inventarisnummer 146, pagina 11

te geven ende maecken by desen de
lyfftochte ende usufruct in eens
ijeders goedens roerende onroerenden
heerlick vordelick, ende eygen gelt
goudt silver gemundt ende ingenninge
Imboedel huysraet clederen en cleijnodien
nyet vuytgesondert, namentel. mede
d'goederen haer comparante voor
hare portie aengecomen by overlyden
van za: Sybrant Syllincx haren oochten
was, Omme alle d'selve goederen
byde langstlepende van hun
comparanten gebruyct ende beseten
te worden ten lyftochten rechten, zyn
ofte haer leuen lanck geduerende
ende langer nyet, daer onder mede
begrepen d goederen hun comparanten
staende huijwelick achte comen
Wiensvolgende zy comparante onver-
mindert d voors lijfftochte van
hare tytelicke goederen disponerende
Ingevalle zy desen werelt overleden
sonder geboorte nae telaten institueerde
zy tot hare universele erffgenamen
by desen in alle d voors. goederen
Lambert Cornelisz ende Cornelia
van Schuyck haers comparantes voors.
mans broeder ende halve sustere
ende d'angstlepende van hun beyden
Verclarende voorts zy comparanten
indyen zy eenige onmundige erffgen.
quamen nae te laten, specialicken vuyt
heuren boedel, goederen bewinde ende
administratie vandijen te secluderen
by desen de E Vroetschappe deser Stadt
ende derselver Gecomitteerdens ter
momboirschappen present ende toecomende
ende dienvolgende tot momboirs &
vooches over d'selve onmundigh te
nomineren ende constitueren by desen
Den E. Mr. Adriaen de Sweserenghe
Advocaetshooffs voors. ende Gerard
van Schuyck zyns comparants halve
broeders, sonder dat deselve genomineerde
momboirs vermogen sullen eenigh staet
off inventaris aende voorschreven
vande vroetschappe ofte hare
Gecommitteerdens over te leveren, veel
min aenbrengh, off reeckeninge aen
haer E. doen tselve by desen verbiedende
ende in cas zy comparante deser
werelt afflyvich worden sonder
geboorte na te laten, soo verclaerde
zy comparante tot executoiren van
desen haren Testamente, als oock
vastgeene zy namaels onder haer
handt alles sonder by wesen van nots
ende getuygh soude mogen maecken, daer
toe zy volcomen macht is reserveren
ende op dat tselve te beter soude mogen
worden gevolcht ende voldaen, te nomineren
ende stellen by desen Cornelis van
Ceurenborch procur voores voors
Gerechte ende Johan van Galen nots.