Blader door transcripties » Het Utrechts Archief

archieftoegang 34-4, inventarisnummer 7, pagina 198

Verclaerden die comparante insgelijcx dat soe sy alrede
eenijge kijndere wetgesuwelickt ende hun medegave
gegeven hebben ende eenyge vande selve hondert gulden
twee ofte drie min ofte meer boven dander gehadt
muege hebben, dat sy ook in haeren Leven noch
eenijge ten echte sullen muege wtgeve ende goeden
dat syluijden daeromme well wtdruckelyck
willen ende ordonnere by deesen dat naden overlyden
van hun beyden die ghene van hun kyndere die minste
genoore hebben ende gegeven Is wlte gereetste goederen
des boedels zoe veell voerstneme zullen tot dat
sy alle gelyck stae sullen ofte anders dat die geene
die meest gegeven is (uutgesondert alleen die voers
twee Legaten die altijt vande blyve zullen) weder inbregen
sullen tgene hem gegeven Is tot dat sy all even Ryck
zijn ende dat all om gelyckheydronder den kyndere te houden
Alsoe zij comparante testateur ende testatrice mede hebben
ende noch vorders crijge muege kijnders kyndere daer
over sy grootvader ende grootmoeder stuy, Willen ende ordonneren
sy well verdruckelyck dat in gevalle van het offsterven
van eenich van hare kijndere naelatende geboorte ofte
geboorte, dselve geboorte met eenre handt in plaetste
haers overleden vaders ofte moeders in haren comparante
goedere erve ende succedere sullen, alle dselve ende den
kijndere die haere comparante doet beleve sullen elcx paerts
paerts gelyck in allen haere goederen, soe well die
syluyden ofte eenijge vandien alrede gehadt ende genote
hebben ende in voege als voore geniete sullen muegen
Instituerende ende stellende hare erffgename by deesen
Willende ende ordonnerende noch by deesen dat die goederen
die sy belichge haere dochter huijssen van Egbert Jacobssen