Blader door transcripties » Het Utrechts Archief

archieftoegang 34-4, inventarisnummer 136, pagina 85

by representatie, mit sulcker meynonge
als zy Testatrice ordonneerde by desen
dat hare uuytgehuywelickte kynderen
alvoorens in deijlonge te comen gehouden
zullen wesen inne te brengen tgeene zyl
respectivelick gehadt by genooten hebben, ofte syn selve
deijlonge soolange sullen stille staen, tes
eynde de ongehuywelickte, soo veele sullen
hebben gehadt, alles op datte zyluyden segelicken
zullen zyn gegoet ende al sulcx d'een nyet meerder
genieten als d'andele. Ende gemerct soo sy
Testatrice verclaerde in eygendomme hebben
de St
is seeckere huy twee huijssingen het bewoont
legenwoordich by haer Testatrice gen
ende het andere by Claes Jansz Peer het huyre
gebruyct worden staende naest malcanderen
inde kerckstraet ontrent de buerkercke binnen
Utrecht Ordonnerde zy Testatrice expressel.
bij desen dat d’huijssinge als voors. bewoont
wordende, gepossideert ende gebruyct zal worden
voorden tijt van drie jaren t‛haren ouerlyden
ingaende, by hare drie dochteren mit name
Johanna, Maria ende Margaretha, dwelcke oock
d'huijre vande andere huyssinge ontfangen, ende tot
betalinge van eenige renthen als andere
uuytschulden gehouden sullen wesen te employeren
mitsgaders haren boedel wel ende nae behooren
regieren, haerlicxe reeckeningen doen, oock sulcx
dat naer expiran. der voorsz. drie jaren, alle
renthen ende vuytschulden sullen wesen betaelt, ten
welcken tyde haers Testatrices oudtste
dochtere Josina jegenwoordige huysvrouwe
van Cornelis, bogaert vry zal staen den beyde
d voorsz. huijssingen in voorcoope achte nemen ter somme
by anderen gecoft, indijent d'selve Josina
goetdunct, sonder nochtans daer inne
eenichssints gehouden te sijn, op welcken
laste van voorcoope tselve huijssingen sullen
moeten worden vercoft voorde eerste reyse
sonder meer, Alle twelcke voors zy
Testatrice verclaerde te wesen haren
Testamente dat zy begeerde in crachte
des voorgeroerden Octroijs stadt te grijopen &
effect te sorteren sulcx eenich Testament
van ouders, onder kinderen best valideren sal
mogen als varen oock eenige solemniteyten in
desen geomitteert, behoudel. haer Testatrice
de wederroepinge veranderinge vermeerderinge
verminderinge t zy int geheel off deel sulcx
haer goetduncken ende gelieven sal. Op ende van
alle twelcke de Testatrice versochte
gemaect te worden en instrument off meer
in forma Aldus gedach ende gepasseert ten
woonhuijse van Testatrice staende inde
voors. kerckstraet ter presentie van henrick
huerdeman borger ende Dirck Thonisz de
cruyff inwoonder deser stede als getuygen
hier toe special. versocht
jegen Cornelis
Hendrijck Goudeman
get. by de Dirck
Thonisz. de Cruyff getuijge voornt.
J. van Galen