Blader door transcripties » Het Utrechts Archief

archieftoegang 34-4, inventarisnummer 136, pagina 312

Op huijden den xiiijen dach novembris ouden
styls des jaers xvjc. sessentwintich
Compareerde voor my Willem van Galen
Openbaer nots. bij den E. Hove Provintiael
t Utrecht geadmitteert, Int by wesen der
naebenoemde getuijgen franckgen Claes
van Vianen dochter weduwe van za: Dirck
Ghysbertz van Brouckhuijsen, woonende
alhier binnen Utrecht, my notario bekent
gesondt van lichaem, verstants memorie
ende spraecke volcomel machtich ende
verclaerde alsnoch te approberen ende
van weerden thouden bij desen den Testamente
by haer comparante in crachte van octroy
shooffs van Utrecht voor Anthonis van
Deuticum mede nots. & seeckere getuygen
alhier op den xvjen January dusent Sess
hondert & thien gemaect ende gepasseert onvermindert
welcker inhouden zy comparante legateerde
ende maecte by desen aen Ghysbert Dircxsz ende
Clara Dircx van Broeckhuysen haren naesoo
ende naedochter ende by affsterven van eenich van
hemlieden aende langstlevende van hun beyden
alle haers comparants mobile goederen
ende huysraet tzy Linnen Tinne, cooperwerck
ijserwerck houtwerck, aerdewerck als
anderen huysraet, sulcx zy mitter doot ontruymen
ende naelaten zal, alles vuyt redenen
(zoo zy comparante verclaerden, dselve mole
ende huijraet byde voorn. hare kynderen ende