Blader door transcripties » Het Utrechts Archief

archieftoegang 34-4, inventarisnummer 136, pagina 190

Bij den inhouden deses sy condt eenen yegelycken
Dat inden jare naeder geboorte ons Lieffs
heeren ende eenigen salichmaeckers Jesu Christi
dusent ses hondert sessentwintich op maendach
den seventhienden July ouden styls, in mijns Openbaren
notary & nae benoemde getuygen presentie hier
toe gerequireert, erschenen in propre persoonen
van Lansmer ende Tryntgen Pieter Coppens
dochter echtelijck woonende tot Munnickendam
my notario bekent gemaect, gesondt van
lichaemen mit ons gaende, staende t gebruyck
van redenen ende verstants alve machtich, sulcx
ons bleecke, voorsichtel. ende wyssel.
aenmerckende de menschelijcke arancheyt op
deser aerden nyet seeckerder te wesen, als
de doot ende nyet onseeckerder als de vrihe
vandijen, willende Somme soodanige onseeckerheyt
prevenieren, ende sulcx doende in crachte
van Octroy shoeffs van Utrecht hun
comparanten (soo zy verclaerden) opden tweeden
may lestl verleent, ons nyet verthoont
hebben zy comparanten malcanderen ende den den
anderen reciproce, dat is over ende weder over
gemaect ende gegeven, als zyluijden malcanderen
ende des den anderen reciprocquelick geven by desen
de lyftochte ende usufruct, in eens yeders
goederen roerende onroeren heerl. vordel. ende
eygen sulcx d'eerst overlydende van beyden boven
schult ende vuytfaert mitter doot ontruymen ende
naelaten zal, omme bij de langstlevende
gebruyct ende beseten te worden ten lyftochten rechten