Blader door transcripties » Het Utrechts Archief

archieftoegang 34-4, inventarisnummer 6, pagina 88

Ende comende totte dispositie van sijns testateurs titelicke
goederen hem van godt den heere verleent Revoceert hy
testatuer alvoren alsulcke testamente ofte maekenghe
als hy voor date van desen voer enyge gerechts bancke
notaris ende getuijge ofte andersins gedaen ende gemaect mach
hebben vuytgesondt alleenlicken die lyfftochte die hy
testatuer ende Elisabeth egberts dochter zijn huijssvrouwe
malcandere voor Schout ende gerechie van wtrecht
gemaect hebben die hij will ende syn veterste meninge es
ten beyde fyden van weerde gehouden te werden
Voorts heeft bij testaluer geinstitueert tot sijn generale
ende universele erffgenamen ende institueert by deesen
in alle syne goedere roerende ende arroeren gelt gout silver
gemunt ende ongemunt huijsraedt ende Inboedell van als
nyet wtgesondert als hy testatuer metter doot ruymen ende
achterlaten sall zijne kyndere geprocreeert by Elysabeth
Egberts dochter sijn tegenwoerdighe huijssen als namentl.
ariaen sijne sten Dannichge met Jacob Gerritsz huysvrauwe
Egsdag ende anna syn drie dochtere Omme nae synder
doot alle dselve sijns testateurs goedere vrijlicken te
hebben ende erffelick te behoude onvermindert-Elysabeth
egberis dochter haerluyder moeder aen alle dselve goedere
haer lyfftochte volgende de brieve daervan zijnde
mit sulcke conditie dat het een kent opt ander erve
sall tot het leste toes ende sterve alle die kyndere sonder
wittelycke geboorte dat af alsdan die goederen come ende
succedere sulle op syns testateurs rechte ende naeste erffgen.
dan inderlyt wesende
Verclaert voort hy testatuer te wesen syn wierste wille
ende meninge dat wouter gerrits z van boot fyns testatrice
sten vuyt syne goedere hebbe ende geniete sall die somme
van eens vyftich gulden daer inne hem by deesen ende
vorder nyet tot syne erffgename instituerende ordonnerende
dat hem die selve penn. bij syne andere kyndere universele
erffgen. wt syns bestalvers gereetste goedere binnen jaers
nae syne overlijden wtgereyct sullen werden willende dat
wouter van boort synen soen daer mede wt syne boedellende
goederen off staen sall tot behoeff van sijne andere lyndere
ende geinsinueerde erffgen. ende dat omme sekere merckelycke
redene ende versoeken hem testatuer daer te porrende ende moverende