Blader door transcripties » Het Utrechts Archief

archieftoegang 34-4, inventarisnummer 5, pagina 473

te weesen syn wterste will ende begeeren dat
het rechte derdendeell van allen sijne goederen
verende ende onroerende huys hofferff gelt
goudt silver gemunt ende ongemundt nyet daer
van vetgesondert die hij metter doot ruijmen ende
achterlaten sall boven schult testament ende
wevaert succederen ende commen sall op Cornelia
syne eenyge dochter huijssen van Jan Guertsz
van mereren d selve syne dochter daerinne
instituerende syne erffgename Ende belangende
die twee resterende deelen te weeten alle syne
andere goederen boven tvoers derdendeell will
ende ordonneert hij testateur by deesen dat alle
dselve nae zijner doot sullen gaen ende succederen
opde kynderen die welcke die voers Cornelia by
haren tegenwoordige man ofte anderen In echtschappe
procreeren sall muegen met oek sulcke conditie
dat dselve kynderen sullen succedere ende erven
dien op dandere indien die sonder geboorte commen
te sterven, ende merderselver kyndere doot ofte
Leste van hem allen doode stevende sonder geboorte
sullen daers goedere wederomme comme op sijns
comparants ende testateurs rechte erffgenamen
dan Inder by u wesende beseltelycke altyt die
voers Cornelia haer volle Lyfftochte aen alle
zijns comparants naegelare goederen haer leven
lanck geduyrende ende langer nijet Welverstaen ende
mer sulcke conditie dat In gevalle die voers
Cornelia geen echte kyndere ende crege dat In dien
gevalle alle syns comparants goederen sullen commen
opde selve Cornelia, ende nae haere door sterven
sonder geboorte op syns comparants rechre erffgenamen
dan inder tijt synde alsoe syns comptrants wierste
wille ende meninge Is dat sijne goedere sullen blijven
aen syne Linie Sonderdar dselve daer van sullen
mogen worden vervreemt beswaerr ofte geaalieveert