Blader door transcripties » Regionaal Archief Tilburg

archieftoegang 115, inventarisnummer 4, pagina 3

Testament Mariken Jan Cornelis Willems Mutsarts Actum anno dui 1610, 12 Julij, hora secunda autrirciter in domo predicte testatricis sita prope locum dictem de hoollijnde. E xordio pretermisto habent copranten Noch soo heeft sy testatrice ghegeven ende ghemaeckt, gheeft ende maeckt die kercke tot Tilborch een halff mud roggen eens. Item noch gheeft zy testatrice tot behoeff van den ghemeynen huysarmen van Tilborch om te spynden ghe maeckt een halff mud roggen eens. Item noch gheeft ende maeckt zy testatrice voirsch haer kynderen by haer nu teghenwoordich woonende ter oorsaecke van haeren getrouwen dienst, ende costen aen haer voirsz testatrice gedaen ende gehanghen in haere lanckduerich sieckbedde, voor w een bedde met een heyck, ende die schare die opt velt staet voor wt. Item noch zoo begheert zy testatrice voirsc nae haere doot een tamelycken wtvaert gedaen te worden ter discretien voor die vrienden twe daghen Item noch zoo heeft zy voirscreven testatrice ghelegateert ende quijt geschreven van het haere Peter Peters, dochter, het gheene dat zy soude moghen schuldich wesen ter saecken dat zij op die hoffstede vande voirscreven testatrice gewoont heeft, ende het lant heft gebruijckt, verbyndende haere erffgename die voirscreven Adriaentken de voirscreven schult nummermeer te eyschen, als by haer testatrice voirs geheelycken ende al quytgheschonden vergheeten ende uutgedaen. Alle Buybert Celen Testes Cornelis Adriaens Testament van Adriaen Pauwels gerits ende Peterken syn huysvrouwe. Actum Anno Domini 1610 is novembris hora decima, ante meridiem, in domo predictorum testatorum in loco sita dicto den Berckdijck. Exordio, omisso Item de selve testateuren die Eersamen Adriaen Pauwels Gerits, ende Pieterken Adriaenssen zyn wettighe huysvrou, willen maken ende oordineeren, dat die lancxtlevende van hen beyden sal hebben ende ghenieten, Inden eersten een bedde met zyn toebehoorte, Item noch in tochte sal besitten, vijffpont groot gels elck pont voor sess gulden gerekent, daer den lancxtlevende van haer beyden aff sal genieten ende gebruycken den Intrest welcke voorsz bedde met syn toebehoorte, ende voirgenoemde penninghe sullen comen nae die afflijnicheyt van haer beyden totter gherechter affgenamen, te weten, tot syn voirscr testateurs voorkynderen. Item noch so maken sij testateuren voirscreven Mayken wettighen voor dochter Ariaens Pauwels gerits testateurs voirsz noch ongehoudt synde, voor haer wtsetsel een bedde met syn toebehoorte, ende noch vyff pont groot gels eens. Item noch een schaept het welck sy sal moghen nemen wter koyen tot het gheen dat haer is toebehooren Alle etc. Wouter Rubben Testes. Peter Handricx