Blader door transcripties » Gemeentearchief Schiedam

archieftoegang 235, inventarisnummer 741, pagina 116

930
kints kinderen ter voorss. tijt toe niet
meer ende sullen mogen trecken ende genieten
dan de vruchten ende bladeren, vande
selve erffenisse die zij Comparante
mede wil dat tot dien eijnde op Wees¬
camers recht vast ende seeckerlijck belen
sal moeten werden, doch dat de selve
kinderen ten huijwelijcken state comende
d'selve erffenisse sullen mogen trecken
ende genieten, met dien verstande, zoo
hij daer naer sonder lijsserven naer te
laten comen te overlijden, tgeene daer
van in esse wesen sal, weder sal moeten
comen aen haer voorss. kinderen ende
kints kinderen alsdan in levenden lijve
wesende, Alle twelcke etc. Versoucke
en, Aldus gedaen ende verleden ten
huijse vande Testatrice staende alhier
ter stede opt marcktvelt, ten bij wesen
van Wijnant Gillisz ende Jan Mathijsz
van Tendeele gebuijren, getuijgen van
gelove hier toe met mijn Notario gere¬
quireert.
den xxvije. December 1624
bijden Innehouden van den Jegenwoordighen
Instrumente sij eenen ijgelijcken cond ende
openbaer dat op huijden den xxvije. Decem¬
@o. 1624, voor mij Willem Nieupoort
281
Openbaer Notaris bij den hove van Hollandt
geadmitteert ende Secretaris der stede
Schiedam, gecomen ende gecompareert is
Machtelt vrancken dochter van za
Vranck Cornelisz, daer moeder aff is Dircken
Dircx sieck te bedde leggende doch haer
verstandt redenen ende spraecke wel
machtich zijnde ende gebruijckende soot
uijtwendich scheen ende bleeck ende men niet
anders ende conde sien ende bewercken
d'welcke Insiende smenschen leven als
een schaduwe verganckelijck; ende datter
niet seeckerder en is dan de doot ende
niet onseeckerder dan de tijt ende uijre
vandien, Verclaerde daeromme in tijts
van haere uijttelijcke goederen te willen
disponeren, ende doende tselve met haere
vrije wille wel beraden ende onbedwongen
van ijemanden, heeft daeromme inden
eersten bevelen haere siele inde barmhartich
Godes ende haere doode Lichaem een
eerlijcke begravinge ende comende ter
dispositie van haere uijttelijcke goederen
heeft zij Testatrice gelegateert ende
besproocken gelijck zij legateert ende
bespreeckt mits desen, Dirckgen Dircx
haer Testatrices Moeder de somme van
Twee hondert gulden te trecken uijt haere
gereetste naer te laten goederen, ende
bij voor overlijden vande voorn. haere
moeder, dat alsdan de voorn. twee
hondert gulden sullen comen ende succederen
Sijmon Cornelisz van Delff haer
stieffvader, Ende inde vordere goederen
bij haer Testatrice naer te laeten heeft
hij geinstitueert haer naeste ende gerechte