Blader door transcripties » Gemeentearchief Schiedam

archieftoegang 242, inventarisnummer 756b, pagina 260

Op huyden den xxi may xvjc. sessenveertich
Compe. voor mij Jan Wessels Openbaer nots.
1528
byden hove van Hollant geadmitteert binnen schilden
1300
residerende ter presentie vande getuijgen naergenomineert
Jelmer Jansz Paerdecooper woonende tot Groninge
de getuijgen seer wel bekent, ende bekende voor
hem syne erven, ende naercomelingh wel, ende
deugdelycken, schuldich te wesen Jan Maertensz
paerde, ende Laeckencooper woonende inne
tot Middelson inde Ommelande van Groningen
ofte den wettigen Thoonder deses de somme van acht hy
hondert vyftich car. gul. als reste van meerder
somme ter saecke van coop, ende leverantie van
veerthien soo Ruijs als heijnst paerden bij hem
Comparant opten xviiien februarij xvjc sessenveertich
lestleden vande voorn. Jan Maertensz gerecht, ende
opten xxxen. febrij daeraenvolgende ^ Belovende
daeromme hij Comparant de voorss. somme van achthien
houden vyftich car. gul. wel ende getrouwelycke
te sullen voldoen, ende betaelen soo haest hij de reij¬
met sijne paerden metten eersten goede wint, ende
weder die Godt verleven sall, nige Vranckrijck
sal hebben gedaen, des sall ende alhier wederom
in hollant sall sijn gecomen, welcke reijse hij gehouden
wesen sal mettet eerste convoen, ende beneffens
de andere paerde Schepen, te doen, ende oft gebeurde
dat den voorn. Comparant dat Godt verhoede quaed
te verongelucken, ofte te blyven, sal metten in sijn
erffgen. gehouden wesen de voorss. somme te voldaen
ende betaelen, sonder eenige contradictie, ofte
tegenseggen, daer onder verbinden hij Comparant sij
persoon ende alle syne goederen roerende, onroerende
present, ende toekomende legen, vandien wtbesondert
stellende deselve ten bedwanck van allen heeren
rechten, ende rechten, alle dinck sonder arch