Blader door transcripties » Noord-Hollands Archief

archieftoegang 1617, inventarisnummer 9, pagina 183

gebruyck lyfftochte ende blange van allen haren
testatrices goederen hoedanich die zyn ofte wesen mogen
die zy testatoire eenichsins metter doot ruymen ende
ter werlt achterlaten sal eene bandyen vuytgenomen, omme
alle deselve te besitten gebruycken ende de vruchten
vandyen te ontfangen ende gemeten synen leven lanck geduynen
ende langer nyet, willende mede dat des zelffs
Cornelis maertens zn erffgen een halff Jaer naer zynen
overlyden hare testatrices huysinge staende ende
gelegen inden Paerdestese alhyer binnen Haerlem zullen
mogen bewonen indient hemluyden alsdan gelieft ende
goetdunct, Willende ende begerende voorts zy
testatrice dat naer haere afflivicheyt haere landen
ende roerende goederen ter geleredertyt sullen verco
ende tot penningen gemaict worden ende dat deselve
penningen daer van comende byden voornoemde Corn.
maerts zn zeeckerlicken oprente zullen werch vuytgestelt
ten meesten oorbaer ende prouffijte welcke renten oick
onder den voors. lyfftochte sullen volgen ende behoeven wesen
Ende offer eenigen huysraict Juwelen off anders by haer
testatrice achtergelaten zoude mogen weren dwelcke
geen
voors. Cornelis maertensz onvercoft by hem te houden
ende ten wruycken, alle tzelve sal hy Cornelis maertens
onder hem moegen behouden besigen ende gebruycken zynen leven
lanck ende langer nyet willende dattet zelve alsdan
naer zyn afflivicheyt comen ende erffven zal op hare hier nae genoemde ende
geinstitueerde erffgenamen Willende ende begerende
voorts zy testatrice dat naer het overlyden vanden voorn
Cornelis Maertsz deselve lyfftochte ende gebruijck
van haren goeden dan zal commen ende volgen op Adriaen
posz Guerte prs dr ende Neffgen pieters dr
alle kinderen van Pieter nicolaesz ofte opden
langstlevende die alsdan van hen dryen int Lieven
zoude mogen wesen oock desselffs Leven Lanck ende
langer nyet geduyren Ende naer doode vande
langstlevende der voors. drie perzoonen sal deselve
Lyfftochter voorts Dalen commen ende volgen opden
Clxviij
Drie kinderen vande voors Adriaen prsz ofte opden
Langstlevende vandien die alsdan Int leven zullen mogen
wesen voor den helft Ende op Cornelia ende
Duntgen Cornelis docheren beyde kinderen van Cornelis
reyers ofte opden langstlevende van haer beyden
voor als andere helft Verclarende voorts zy testatrice
(alsoe zy hem neergaende noch opgaende Linne en heeft
ende op Dat nael haer overlyen onder hare vrunden off maegen
geen questie off geschil en zoude rijsen) dat zij tot haere
wettelicke ende universele erffgenamen gemaict gestelt
genomineert ende geinstitueert heeft met vollen rechte
maerte stelde nomineerde ende Institueerde
met vollen rechte by desen alle den kints kinderen vanden
voorss. Adriaen pietersz dan Inder tyt zynde in
storpen voor deve helft Ende den kinderen vande
voorss. Cornelia ende Annetgen cornelis reyersz
dochteren mede in stirpes voor den andere helfte
Inden eygendomme van heuren ongedisponeerde goederen
die zy testatrice metter doot vuymen ende ter
werlt achterlaten zal soe roerende als onroerender acten
ende Crediten dene vandyen vuytgesondt omme
deselve goederen met minne vruntschappe ruste
ende vrede byde voors. geinstitueerde erffgenamen
in twee gelycke ende egale portien gedeelt &
geparticipeert te worden onvermindert de voorsz Legaten vanden
lyfftochten hyer vooren brieven vermelt, nominerende
ende stellende oick zy testatrice tot executeur
van dese hare Jegenwoordige vuyterste twelle
ende testamente Als voors. Cornelis maertensz
haren swager dyen sy by desen daer toe geeft
alsulcken last macht ende autoriteijt als hy daer
toe nodich ende van doene sal mogen hebben, Willen
ende begerende voorts mede zy testatrice Dat men
den zelven Cornelis Maertensz nyet en sal quellen omme
eenige staet ofte Inventaris vanden goederen dye zy
testatrice sal achterlaten ende by hem in lyfftochte
beseten zullen te werden oft omme deselve met een
off anders te stercken sulcxs naer rechten souden mogen