Blader door transcripties » Noord-Hollands Archief

archieftoegang 1617, inventarisnummer 9, pagina 134

Testamet van Lysken langer
breda wedhe van Stoffel claessen van
heusden tot haerlinge
onder name ons heeren amen. En desen
tegenwoordigen Instrumente zy eenen yegelicken
kennelick ende openbaer, dat inden Jaere nader
geboirten desselffs ons heren duysent vyffhondert
eenentnegentich ter vierder Indiction des domo
Den derthienden dach der maent Junij omtrent ten
voor
Vyff nren tsavons, Empereren etc
My openbaer Notario by den hove van Hollandt
geadmitteert In by wesen vanden getuygen alhier
onder genoemt persoonlicken gecomen ende gecompaert
es, Eerbaere Lysken Jans van breda naergelaten
weduwe van wylen stoffel claesz van heusde
haere woonplaetse houdende, tot hailingen
vrieslant ende jegenwoordelick wesende binnen
der stadt haerlem den ondergescreven getuygen
zeer wel bekent) naer den lichame cranckte
ende men anders nyet bedde leggende dan by de gratie des heeren
en konde bemercken hebbende volcomen gebruyck van haeren versoude
memorie ende spraecke soe claerlicken bleecken
De welcke verclaerden Dat zy omtrent thien
jaeren geleden haeren testamente ende uterste
wille geordonneert gemaect & gepasseert hadde
binnen de stadt van harlingen. Ende overmits zy
nu subitelicken alhyer binnen haerlem cranck
geworden was, omme vorder beneffens haeren voorgae
testame te haeren vuytersten wolle te verclaren ende
te ordonneren ten eynde alles met vreden mochte
gevolcht ende naer gecomen worden, daer soo vast
vrieslant boden ende bescreven hadde cornelis gens zoo
coninx haeren soon, omme by advys vanden zelven
alles wel te ordonneren, dan soe den zelve
cornelis nyet en was gecomen, was noch oock hij
ryer en verwachten, gelyck hy niet zynen brieff
hadde gescreven sulcxs zy comparate my notaris
verthoorden. Soe heeft zy compareerde het
haerzelffs gemaect geschickt ende geordonneert
beneffens haeren voors. principale testame
haere vierterste wille ende begeerte oock
te wesen tgeene des heer vrecht ende bestreven
Cxij
ƒ
Staet Inden eersten Soe heeft
testatrice Comparante gelegateert ende besproken
vooren vuyt, Cornelis Elisabeth, ende Mayken
alle drye kinderen van manken stoffels haer
overleden dochtere, elcke kint voorhooft
de somme van vierhondert Karolus guldens
tot twintich stuvers tstuck eens, maeckende
voor hen dryen twaelff hondert guldens, Die
een zelven kinderen vooren vuyt heffen boieren
ende ontfangen zullen vanden gereersten penningen
goeden ofte coopmascappen dien zy compareerde alhyer
binnen haerlem ofte int graefscap van hollat nalaten
zal Twelck zy alsoe begeerden omme zeeckere
redenen die haer gemoet ende conscientie daer
toe moneerden, Ende dit all onvermiveert der
voors drye kinderen portie van erffenisse
dien zy met hen dryen op haer overleden moeders
plaetse tegens den voors cornelis goris & coninx
haeren soon zullen delen halff ende halff, Item
bespreect oock den zelven drye kinderen allen
den clederen dien zy comparante nae laten zal, ende daer
van zy nyet gedisponeert en zal hebben. Ten
maect ende bespreect noch Cornelis Janssz haeren voors.
dochters soone, Een dousyn hemden vande slytinge dien
hy zelffs geweven heeft, ende dat men teene halff
dousyn wat groter maecken zal restander. Item
legateert ende Respreect noch lyntgen haers susters
dochtere haeren besten samarie metter saijen rocxken
Vorder Soe verclaerden zy sest comparde hoe dat
zy om de lange gedienstichen den ende getrouwicheyden
die mergen adriaens haere dienstmaech
uw wel omtrent dryeendertich Jaeren by haer
gewoont hebbende) by t voors haer principael
testament gepasseert ende verleden over thien jaeren
dezelue Metgen hadde voorsien niet, hondert
doelders eens Ende was voorts ten tyde
van tpasseren van tselve testament, by haer
compeerale ende haeren voors soon zeecker
contract ende overcompste mette voors
metgen gemaect & geaccordeert, dat de
selve nietgen doen in gereet als haer eygen
by haer hebbende, hondert dertich guldens, de
selve haer comparate onderlaten soude gelyck