Blader door transcripties » Noord-Hollands Archief

archieftoegang 1617, inventarisnummer 81, pagina 123

blyven zal Ende benochfens dezelve deapprobeerde
dispositie. Vorder van zijne tijtelicke substantie
disponerende, Soo heeft hij Testateur (naer voorg.
recommandatie van synen zijele ende lichame aen Godt
onsen heere almachtich zynen Testamente & buyters
wille, geschickt, gemaeckt & geord.t inder voegen als
hier naer volcht.
Inden eersten Heeft &
Testateur in allen den goederen die hij metter doot ruyn
ende naerlaten sal mogen, soo roerlicke als onroerlick
renten, en anderen geene uuytgesondert, tot zyne
afgenamen, gestelt, genomineert, & geinstitueert
stelden nomineerden, ende institueerden by desen
Margreta Agatha, Johan, en Catharina sijne
vijer kinderen, dien hij gewonnen heeft by wylen
Catharina Jacobs dr syne overleden huysvrouwe
mitsgaders en geenen dien hij noch in wettigen
huwelicke procreveren, ende tsynen affsteruen nals
soude mogen / Ende bij eenich der zeluer overlyden
en wettigen descendenten vandien op d'afflingens
Onder soodanige condicien nochtans
plaetse
dat de voors. syne vyer kinderen by de voorn. Catharina
Jacobs dr. geprocreeert, ten eeuwigen daegen voor goet
ende aengenaem sullen moeten houden, ratifieren, ende
approberen / alsulcke vercopingen / transporten / &
alienatien, als hy Testateur van eenige haerder
onroerlicke goederen voor dathe van desen gedaen heeft
als sulx geschiet zynde thaerlieder meesten proffyte
ende omme wettige redenen. Ende de geene die noch bij
hem Testateur na dathe deses vercocht ende veralieneert
souden mogen werden. Daer van den penningen ontfangen
ende noch te ontfangen tsyne Testateurs overlyden
beuonden sullen werden, wederomme by hem, tot der
C xiiij
syne kinderen behoeve, behoirlicken zoo tot aencopinge
van andere baste goederen, als souffisante renten
beleyt te syn, ende in alles heurlieder besten proffyte
int administreren haerder zaecken, by hem geprocureert
te wesen, Sonder dat sylieden, noch 3 eure
descendenten, Immermeer onder eenich pretext,
de selue vercopingen ende alienatien, metten gevelge
bandien, tot cleynachtinge van hem Testateur
sullen mogen annulieren, off doen annulleren, by het
helffs, off door anderen, Op peene indien sulx
geattenteert werde, dat zijlieden hen in plaetse
der voors Institutie, sullen moeten contenteren &
te vreden houden, met hunne wettige ende legittime
portie, die hen ande goederen & erffenisse van hem
Testateur naer recht soude mogen competeren
Daer Inne zylieden ingevalle als booren by desen mij
voor alsdan, ende dan voor alsnu werden geinstitueert
Sullende de verdere reste alsdan comen ende
vervallen ten behoeue. synder kinderen de voors vercopinge
ende gedaen alienatien goetwillichlicken ratifierende
Ende alsoo hy Testateur geensints en begeert
maer expres selicken verbiedt, den voors zyne kinderen &
geinstitueerde erffgenamen, off den geenen die
tsynen affsteruen noch onmondich souden mogen
zyn, met hunne goederen gebracht te werden op eenige
weescameren, off dat yemanden tsij weisheeren oft
anderen ure vanden bloede synde, daer van eenige
openinge, kennisse, ofte wetenschappe zullen hebben,
soo heeft hy tot voocht & momboir vande voors syne
onmonige kinderen & descendenten, ende tote volcomen
regeringe haerder goederen zoo van hem Testateurs, als
van anderen hen oprecomen, versocht, genomineert gestelt