Blader door transcripties » Noord-Hollands Archief

archieftoegang 1617, inventarisnummer 45, pagina 222

volgen in plaetse van haere legittima daer inne dezelve
midts desen werdt gesustitueert de somme van Ses klyne
tot xl grooten vlaems tstuck, ende ingevalle zyner
voors. moeder ten zynen afsterven als vooren overleden waer
Soe wilde hy testateur dat den voors zynen huysvrouwe
van zijnen achtergelaten goeden zal vuytkeeren aen zynen
zusters & broeder met zyn zusters kinderen tzamen de
somme van dertich stuvers eens, sonder meer, als het
daer mede oock afsettende bij desen, alle twelcke hier
voeren gescreven staet die voor henrick aryssen ende
meltgen adriaens de Testateur ende testatrice te zamen
ende elx sonderlinge seyden ende verclaerden te wesen heure
vuyterste wille ende testamentaire dispositie, dien zyluyden
doende stipulatie aen handen myns notaris, wilden ende
begeerden dat vast ende onverbrekelicken naerheuren elcx
overlyden zal werden achtervolcht & onderhouden, zy in
crachte van testament, codicille, donatie uuyt sake
des doots onder den levenden of anders zoe dbuyterste
wille van een mensche naeden bescreven rechten of constanen
voyeenige landen of steden alder best beslaen, van waerden
blyven, & effect sorteren zal mogen, nyetjegenstaende
tgebreck van eenige rechtelycke solemniteyten in desen bevonden
Ende versochten hier van by my notario ondergess. gemaect
ende gelevert te werden, een ofte meer openbaer Instrumenten
behoorl forme, Aldus gedaen tot haerlem voors. ren
quyse ofte woonstede vanden voors. Testateurs gestaen
inden voorcamp, Ten tyden als vooren, ter pntie van
an trouwant van Ingelmunster, & Maryn panneel
van Runckeke beyde Linnebbeners ende poorteren der
zelver stadt, die verclaerden den voorn testateurs wel
te kennen, als getuigen van goeden gelove met my notaris
hier toe sonderlinge versocht, & specialicken gebeden
die tot meerdere kennisse toutwerp van desen elcx
onderteyckent hebben
Ende wandt tgundt voors es zulcx voor my
Adriaen Willemsz ende publyck notario byden hove
van hollant toegelaten ten bywesen vander
getugen boven es geschiet & verleden, Soe hebben
ick myne gewoonlick signatueren hier beneden
gestelt
Willem
Nots.
Is huyden den derthienden dach february inden jaere ons heeren
xvjc. ende zeven, Compareerde voor my Adriaen Willems ende
Secretaris der stadt haerlem, ende openbaer notaris by den
hove van hollandt toegelaeten, ten by wesen vanden getugen ondergess.
Joos vincke van Gendt, Verclarende ende bekennende
by desen, dat Jan de bitter zyn schoonvader wyens dochter
niet naemen Anneken de botter hy comparant geleden omtrent
zes weecken heeft getrouwt, hem alsno getelt heeff, als
hy vanden zeluen Jan de bitter bekende ontfangen te hebben
de somme van drie hondert Karolus guldens tot xl groote
vlaems tstuck, Omme dzelve te gebruycken in zynen
handel, met zulcke conditie ende expressen bedinge, zoe
verre hy comparant voorden voors Anneken de bitter zyn
huysvrouwe geraecte te sterven, dat de voors somme van
driehondert kl gul, ende tgheene hy vorder onder dese
conditie by zyn hantscriff of anders zal mogen ontfangen
in zyn geheel zal blyven, ende voor vuyt den boele getrocken
ende bel inden zal werden by zynen kinderen by den voors
Anneken geboomen, ende by gebreke van kinderen boven by den
voors Jan de bitter, Sonder dat de zelue in eenige
gemeenschappe vanden boele zullen staen, maer daer
vuytgereserveert blyuen, alzoe zulcx expresselicken
voort aengaen vanden huwelyck voorn byden voors
Jan de bitter besproken, ende by hem rempt overgegeven
es & noch bekent ende overgeeft by desen dat alle tgheene
hy vanden voors Jan de bitter zoude mogen ontfangen tot
vorderinge van zyn coophandel of neeringe, su brect
blyven zal, omme by zyn vooraflynicheyt als vooren
vry ende zuyner wederome te keeren op ende aen zynen
kinderen byden voors Anneken geprocreeert, & by gebrek
van kinderen op den voorn. zby de bitter ofe zynen erfgen
Sonder eenige fraude, verbindende ter verzeeckerheyt
van desen generalicken alle zyne goeden roerende ende
onroerende jegenwoordige ende toecomende gheene
daer van vuytgesondert. Tot bedwanck van allen
rechten & rechteren, Sonder eenige frauden ende
versochte hem hier van by my notario bovengenoemp