Blader door transcripties » Noord-Hollands Archief

archieftoegang 1617, inventarisnummer 45, pagina 220

hier ondergescreven persoonlicken gecompareert zyn Jan
adriaens z molenaer van Delft, ende meynsgen adviens
dochter van Hillegom geechteluyden wonende uyten den
Schalckwyckerpoort binnen de vryheyt der stadt
Haerlem my notario bekent, beyde in gaende ende staende
lyven heer verstandt sinnen memorie & spraecke by
soods gratie wel machtich als vuytwendelicken gebleken
is ende meyanders nyet sien noch bemercken en vonde Ende
verclaerden met vryen gemoede & onbedwongen van
yemandt, dat zyluyden van heure tytelycke goeden begeerde
te disponeren, ende dien volgende naer christelycke
recomandatie heurs zyels & Lichaems by dese heure
testamentaire dispositie gewilt gemaect, ende
geordonneert hebben, dat den lancxtlevende van hen
beyden zal hebben aenbaerden & behouden in vollen ende
vryen eygendome, allen een goeden tzy roerende of onroeren
actien schulden & crediten, hoedanich die zyn ofte wesen
zullen mogen die d eerste steruende van hen beyden sonder
kindt ofte kinderen byden anderen gewonnen int leven achter
te laeten metter doot ruymen & ter werelt ladten sal
Instituerende over zulcx dierste gestorven den andere
Lamptlevende van hen beyden tot zynen oft haeren eenigen
universalen erfgenaem met vollen rechte by desen te
in allen des eerstgestorvens naegelaten goeden voorn
Ome daer mede te doen zyne ofte haere vrye wille
als met andere zyne oft haere vrye eygentlycke
goeden Sonder becroon ofte tegenseggen van yemandt
midts dat den lancxtlevende aen des eerstgestorvens
naesten bloede & gerechte vruntschap vuytkeeren & laten
volgen zal de somme van zes karolus guldens eens
dien doen eerstgestorven hen daer vuyt gemaect ende
gelegateert heeft midts desen, willende dat de zelve daer
mede zullen afstaen, Sonder yet meer te mogen eysschen
welverstaende zoe den voorn meynsgen Adriaens de
eerst aflijmen geworden zynde haer moeder mantgen
henricx dr alsdan noch int leven waer Soe heeft zy
meynsgen den zelven haere moedere gesustitueert ende
Institueerde by desen in haere legittime portie die haer
naer rechte zoude wegen competeren, & in haere verder
xv.
goeden justitueerde zy testatrice den voors. Jan Adriaensz haeren
man, Sorderyet daer van buyt te keeren, Alle twelcke voor
testateur
staet die voorn Jan Adriaensz & ende Meynsgen adriaens dochter ende
Testatrice seyden ende verclaerden te wesen heure & elcx zyne
Testamentaire dispositie lesten wille & eyntelycke begeerte
willende & begerende met stipulatie aen handen myns notary
dat de zelue naerheuren elx overlyden onverbrekelicken zal werden
achtervolcht & onderhouden, tzy in crachte van testament
codicille, donatie vuyt saecke des doots onder den levenden
off anders zoe eens menschen vuytersten wille ende bierte
naerden bescreven rechten of coustumen van eenige landen of
steden alder best bestaen, van waerden blyven ende effect
sorteren zal mogen, nyet jegenstaende tgebreck van eenige
rechtelycke solemniteyten in desen bevonden noch eenige voorgaende
testamenten dien zyderogeerden ende revoceerden by dese
ende versochten hen hier van by my notario ondergeschreven
gemaect & gelevert te werden een ofte meer openbaer
Instrumenten in behoorl. forme, Aldus gedaen tot haerlem
voors, ten huyse myns notary gestaen opten Spaerne
Ten tyden als vooren Ter pntie van Claes roelofs &
backer, & Pieter geryts z moultmakers knecht
poorteren der zelver stadt als getugen bin goeden geloven
met my notario hiertoe sonderlinge versocht & specialen
gebeden, die tot meerdere kennisse tontwerp van desen
elcx onderteyckent hebben
Ende wandt tgundt voors. es zulcx voor my
Adriaen Willems zn publyck notario byden
hove van Hollandt toegelaten ten bywesen
vanden getugen voor is geschiet & gepasseert
Soe hebbe ick desen ins myne gewoonlyck
signatuere hier beneden gestelt
Gt.
Willem
Nots.
ƒ
Een