Blader door transcripties » Noord-Hollands Archief

archieftoegang 1617, inventarisnummer 40, pagina 3

Inden naeme ons heeren Amen, By desen jegenwoordigen In
eenen yegelicken kennelyck ende openbaer dat inden Jaere naede
geboorte des zelfs ons heeren duysent vyfhondert negen ende tnegen
die twaelfde Judictie den zevenden dach Septembris omtrent zeven
jaren naerden middage, Impererende dalder doerluchtichste Roomse
Keyser Rodolpho, die tweede van dier naeme Int xxiije jaere
zyns rycx. Voor my publyck notario ende den getugen hier
ondergescreven persoonlicken gecompareert zyn deersame
Adriaen thomasz collecteur van des Graeffelicheyts tholle
binnen haerlem, ende deerbare henrica Jacobs Dochter
geechte luyden, poorter ende poortersse der voors stadt met
notario ende den zelven getugen wel bekendt, beyde in gaende
staende Lynen clouck ende gesondt heur verstandt sumen memorie
ende spraecke by Goods gratie welmachtich als vuytwendelijck
gebleecken is, ende men anders nyet sien noch bemercken en conde
de welcke eerst ende alvooren revocerende de huwelicxe
voorwaerden die zyluyden tanderen tyden voor banden van huwelicke
hebben gepasseert voor zoe veele de zelve dese heure testamentaire
Dispositie mogen bejegenen ende vorder noch anders nyet, Verclaerde
met vryen gemoede ende onbedwongen van yemandt heure ende elcx
zyne Testamentaire dispositie ende vuyterste wille te wesen
dat den lancxtlevende van hen beyden sal blyven sitten in allen de
goederen vanden geheelen boele tzy roerende of onroerender actien
schulden ende crediten gheene vuytgesondert, die dierste stervende
van hen beyden metter doot ruymen en achterlaten zal, t'leven vande
zelve lancxtlevende, ende langer nyet geduerende, In zulcken
vougen mede dat de voors lancxtlevende, de voorn goederen
vanden eerstgestorven zal moegen vryelyck aentasten, en vercoopen
wenden & keeren ten meesten oorbaer, ende zulcx den voornoemden
Lancxtlevende dat zelfs goetduncken ende believen sal, midts
conditie dat de zelve lancxtlevende heure beyder kinderen gehouden
zal zyn eerlicken ende naer t betamen van heuren state op te brengen
ende tonderhouden tot heuren mondigen jaeren ofte huwelicken
state, ende daer toe gecomen wesende doteren met alsulcke ende zoe
veele goederen als den Lamptlevende sal believen ende goetduncken
Sonder tegenseggen vanden zelven heuren kinderen, die zyluyde
inden eygendome van heure beyder goeden byden lancxtlevende