Blader door transcripties » Noord-Hollands Archief

archieftoegang 1617, inventarisnummer 6, pagina 17

Belicxe voorwaerden van Pieter Jacobsz
schipp ende Catryn Steffens dr
De eeren goede soe zullen vergaderen
in den huwelicken state.
Pieter Jacobssen, Supper
ende poorter deser stadt haerlem ter eenre Ende
Catrijn steffens dr. geassisteert met dirick
pieters & haeren oom & gecoren voocht in desen
Ende dat metten goederen
ter andere zyde
op sulcke conditien & huwelicxe voorwaerden
die zy voor vande van huwelicke verclaert ende
overgegeven hebben, Ende hijer nae volgen
inden eersten Soe zal den voorn pieter —
Jacobss schippers en huwelicke brengen sulcxs
hij brengh by desen de somme van twee hondert
karolus guldens te veertich grooten vlaems tstuck
in gereden gelde. Ende de voorn Catryn
steffens dr medeten huwelicke brengen sulxs
zy brengt by desen de somme van achthouden
der voors guldens soe aen gereden gelde als
andere gerede goede, die vuyter weesborck
ontfangen staen daer mede zy over beyden zyden
wel mede te vreden zyn, Ende vooris op te
naevolgende conditien ende huwelicxe voorwaerden
Te weten indien eenich van beyde de voors
corthoralen geraecken te sterven tzymen
ofte sonder echt levende kindt ofe kinderen by
malcanderen gewonnen, Dat de Langstlevende
wederomme naer hem nemen hebben ende behouden
zal, alle de goeden by dezelve Langstlevende
tot desen huwelicke gebrocht, met oock
alle de erffenisse besterffenisse & goeden
dezelve langstlevende bystaende huwelicke
van zyn ofte haere zyde aengetomen oft
opbestorven ende daer toe clederen cleynodien
Juwelen ende ouders altgeene ten lyve van
langstlevende behoort. Daer tegens t kindt
ofte kinderen off bygebreecke vandien Een naesten
ende gerechten erffgenamen van d eerste gestierven
oock wederomme naer hem nemen hebben ende
behouden zullen allen den goederen by de zelve
eerste gesturnen tot desen huwelicke
gebracht mitsgaders alle derffenisse
besterffenisse ende goeden dezelve eerste
gesturven bystaende huwelicke van zyn ofte
haere zyde eengecomen oft opbestorven ende daer
toe cledere cleynodien juwelen ende anders
al tgeene ten lyve van eerste gesturven zal
behoort hebben
-
Voorts meer oft gebeurde
dat zy deen voor dandere off oock allen
beyde geraecten van deser werlt te
passeren achterlaeren leven kint oft kinderen
by malcanderen gewonnen, dat den goederen van
eene kint sonder echte blycken geboorte
geraeckende te sterven sullen erven op dandere
kindt oft kinderen utten lesen kinde toe
Ende t laeste kindt mede sonder echte
leven blycken geboorte van zyn lyve
gecomen naer te laeten geraecken te sterven
dat dan desselffs laeste kints goederen
zullen wederomme gaen erven ende versterven
elcxs viende zyde vandaer die gecomen
zullen wesen, Als te weten den weden van
voors pieter Jacobsz scipper aenden naesten
vonden bloede van zyner zyde Ende
een weden gecomen vande voors Catryn
reffens dr aende naeste ende gerechte erffgen.
van haere zyde daer de zelve zullen
vandaen gecomen wesen Sonder dat die
elcxs van zyn oft haere zyde vervreemden
zullen moegen In eeniger manieren Ende
zal schade ende bate winste ende verlies
bystaen huwelicke gevallen over beyden
zijden wesen ende gedraegen werden elcxs
halff ende halff mits dat erffenisse
soe voeren geseyt es voor geen winste en
zal zyn gerekent. All sonder arch Ende
versochten zy compareert den voorn partyen
hyer van by my Michiel van woorden
openbaer notaris Jingeriael byden Hove van
hollat geadmitteert ende secretaris der
stadt Haerlem gemaect ende hen gelevert te
worden een oft meer jnstrume ten Inder bester
forme Aldus gedaen ende gepasstt.
binnen der stadt haerlem te Leyns Notaris
hryse gestaen aen tgrote bagynhoff den
achtienden dach January Inden Jaere xvc.
de