Blader door transcripties » Noord-Hollands Archief

archieftoegang 1617, inventarisnummer 39, pagina 8

Geyt Doedesz, geinsinueert ende verhaelt heeft, dat alsoe hij
verstaet dat zyluyden als huyerders wesende van zeer
stucke lants soe groot ende cleyn dat celegen es buyten den
grooten houtpoorte voorden tydt van derthien Jaeren, tzelve
landt aen divers andere partyen hebben verhuyert buyten
den inhouden der voors huyercedulle, ende in contrarie vanden
placcate daer van zynde, Ende dat ouer zulcx deur dezelve
wederbeghuyeringe ende smaldeelinge aen diverse huyerder
tvoors Landt tegens den meeninge ende wille vanden
verhuyerders werdt gebruyct, beplant, & beheynt
met diverse geboomten, & beheijningen, die zyl Insinuant
ter expiratie vande voors huyen nyet van meeninge en
zyn tot seggen van goede mannen aen t'nemen, gelyck
de huyercedulle met hun vieren gemaect, verhaelt ende
bedongen is. Dat de voors. Gerijt Doedesz niet hun
consorten daeromme den voors. Reynder Jansz, Jan
henricxz, willem Joosten, &
wel hebben willen Insinueren, & verwittigen, & oock
belasten by desen, dat zyluyden ongehouden zyn inde voorscreven
aenneminge der wassende plantagie, noch oock vande
omgaende houten heyninge, zulcx dient byden nyeuwen
huyerders daer mede zy nyet gecontraheert en hebben
gemaect zyn of noch gemaect souden mogen werden, maer
Dat zuluyden hen alleenlycken zullen reguleren naer inhoude
vande voorsz huyercedulle, Protesterende wonen tgundt voors.
es wel expresselicken bij desen, ende versochten hier van gemaect
ende gelevert te werden een of meer openbaer acten in behore
forme, Aldus gedaen tot haerlem, Ter presentie van Frans
frans zn vanderhorst, ende willem gewyts ende moultmaker
beyde poorteren der zelver stadt als getugen van goede
gelove met mij notario hier toe sonderlinge versocht den iijen
ende bijen martijnen 9 8
In kennisse hebbe ick notaris voor myne
gewoone sijnatue hier beneden gestelt
G.
Willemen
Nots.
E
H
E
Huyden den xvijen dach van maerte inden Jaere ons heeren xv.c acht ende
ende Tnegentich, Compareerde voor my Adriaen Willemsz openbaer
notario byden hove van hollandt toegelaten ende voorden getugen hier naer
genoempt Jan Woutersz van Shertogenbossche my notario ende de
zelven getugen wel bekendt, De welcke met zware siecte vanden
heere almachtich bevangen zynde, maer nochtans zyn verstandt
memorie, ende spraecke wel machtich, heeft aen my voors notaris
versocht ende begeert dit naervolgende op zyne verclaringe in
gescrifte gestelt te werden, Op dat alle geschil vermydet mach
werden dat in cas van afsteringe zuus persoons tusschen zyne
naegelaten weduwe ende vruntschap soude mogen ontstaen
Als eerst aengaende zyns vuytstaens met willem aelberts ende zyne
zwager verclaerde per afreeckeninge goet te hebben aenden zelven
Willem aelbertsz de somme van acht hondert eenentachtich kl gul
tot xl grooten vlaems tstuck, welcke afreeckeninge geschiet is den
xixen decembris anno xvc zevenentnegentich lestleden, Ende dit alles
sonder den Interest vande zelve penningen die tzedert den tydt vande
voors afreeckeninge daer af verlopen sal totten daege vande betalinge
der voors penningen, die geemployeert zyn over de timmeringe vande
bleyck tot heemstede
Item soe veel aengaet de weeskinderen penningen van zyn twee
gebroeders ende zuster saecken, die tot henluyder verseeckeringe
opden bleeck zyn beset totter somme van Eenentwintich hondert
Karolus guldens, verclaert de capitale somme nyet meer te
wesen dan achthien hondert kl gul, maer dat de zelve gestelt es
op eenentwintich hondert kl gul, Om dat zyluyden souden wachten
van de zelve penningen te ontfangen tot dat zy heure mondige
Jaeren hebben zullen, Op welcken tydt den interest totter voorn
somme van xxic. kl gul gereeckert es tzamen metten capitale te
beloopen, maer indien de achthien hondert kl gul beneden heure
mondige Jaeren opgelent werde dat alsdan den voors weesen nyet
meerder soude comen dan de voors. xviij.e bl gul. metten interest
gerekent vande somme van xxj.e kl gul tot den tydt & daege
vander lossinge. Daer van Aert ende Willem Wouters zyne
broeders als voochden van kinderen oock beloof hebben behoorl
bescheyt te leveren om dat den brief vj xxj.e kl gul zuyner soude
blyven
Voorts aengaende zyn broeder willem wouters ende verclaert aende
zelven by afrekeninge goet te hebben de somme van driehondert