Blader door transcripties » Noord-Hollands Archief

archieftoegang 1617, inventarisnummer 2, pagina 88

zal, twelck te verstaen es, dat den goede gecomen van den voorn.
mr. Herebert stalpaert vander wielis zyde altyt wederomme
sullen gaen ende erven aende naeste van bloede van zynre zyde daer
aff die gecomen zyn Ende den goeden gecomende vande zyde
vande voorn. Kathorina van Wamelen, sullen altyts wederome gaen
ende cruen aende naeste van bloede van haere zyde daer aff die
gecomen sullen wesen, Sonder dat die elcxs van zyne ofte
haere zyde vervreemen sullen moegen in eeniger manieren
Ende zal baete ende schaede winste ende verlies by staende huwelick
gevallen wesen ende gedraegen worden, beyden zyden halff ende halff
Voorts heeft de voorsz. joncvre Josijna de Jonge weduwe
wylen Cornelis stalpaert vander wiele, ten overstaen van
Heynrick vander strype symonss haeren swaeger ende gecoeren voocht
in desen mede voornt. tot vorderinge van desen huwelicke
Belooft geordoneert ende overgegeven, Beloof ordonneert & geeft over
expresselicken ende onwederroupelicken mitsdesen, Dat Indien die vs mr
herebort stalpaert vander wiele haeren zoone quame te overlyden
voor zyne voors moedere kindt ofte kinderen byde voorn. Katherina
van wamelen geprocreert achterlaeten, dat tselve kindt ofte
kinderen sullen commen erven succederen ende innetasten inde goeden ende
erffenisse van haeren voors grotemoeder, sulcx De zeluc die metter
doot ruymen ende ter werlt zal achter laeten, in allen schyne ende sulcker
vougen als den voorn. mr. Herebert stalpaert vander wiele
gedaen soude hebben indien hy zyne voors moedere overleeft hadde
Alle twelcke voeren gescreuen ende verhaelt staet de voorn.
comparanten gesamentelicken ende elcxs in sunderheyt Opentel
verclaerden te wesen de ondersproecken conditien ende huwelicx
voorwaerden, tusschen den voorn. mr. Herebort stalpaert
van wiele ende katherina van wamelen, de welcke zy elcxs
respectiue wilden ende begeerden dat in allen hoeren poincten ende
clausulen, vast ende onverbreeckelijck onderhouden en geachtervolcht
worden nu en ten euwigen daegen Ende versochten hen hyer van
by my Notario ondergescreven gemaect & geleuert te werden een ofte
meer Instrumenten Inder bester forme Aldus gedaen verleden etc.
gepasseert binnen der stadt Haerlem ten daege jaere maent ende
Indictie alsboeren ten huyse van Cornelia Joosten dochter staende opten
ouden grafte by tcorte bruggetgen, alwaer met my Notario present ende
jegewoordich waeren als gelooffwaerdige getuygen, Frederick ramp
ende pieter corn z van schoudt van haerlemerliede tot kennisse van desen
versocht ende gebeden zynde, die de minute en dorigniael acte van
en oock hebben ge¬
Ende want ick michiel van woerden Janssen
Openbaer Notaris metten voors getuygen put
geweest ben daer alle thundt voeren geschreven ende
verhaelt staet geschiet es. Soe hebbe Ick
desen mede met myne signature bevesticht
verte
in De woerden nots. sss.
Procuratie van Cornelis van Berckenroede
Op huyden Compareerden voor My Michiel Janssz
van woorden Openbaer notaris by den Hove van Hollandt
geadmitteert binnen der stadt Haerlem residerende in jegewoordich
van Naegescreuen getuygen Den Eersamen Cornelis van
berckeuroede poorter ende inwoonder der zelver stadt
Haerlem Ende verclaerden dat hy geconstitueert & machtich
gemaect hadde, gelyck hy constitueerden ende machtich maecte
by desen mr gerrit van berckenroede zijn broeder Omme vuyten
naeme ende van wegen hem Comparant te maenen innen
opbeuren ende ontfangen allen alsulcken Lantpachten Renthen
chynsen ende anders alsmen hem comparant in eenigen quartieren schuldich
wesen mach egeene vuytgesondert „ Quictan van zijn ontfangen
te geuen ende quyctscheldinge te verlyden, ende indient noot es den
onwilligen betaelders met recht daertoe te bedwingen voor
allen heeren hoven wetten ende rechteren daer tselve van noode
wesen ofte gebeuren zal en de zaecken zullen vereyschen Allen
termynen in rechte te doen observeren Naer coustume en usantie
van rechters ende rechteren ende exigentie vander zaecke Gevende
hy Comparant den voors. zynen broeder oeck macht Ome
een ofte meer procurq ad lites te moegen substitueren ende in zyne
plaetze stellen, met gelycke macht omme trecht te bewaeren
als voors. es Ende voorts generalicken alle vuyten naeme van
hem comparant te moegen doen ende negocieren dat hy zelffden
in persone present wesende doen soude moegen Belovende oversulcxs
Comparant voors tot allen tyden over godt vast ende van waerden
te houden ende te doen hoijden, oock mede goede en vaste betalinge te
doen strecken alle tgundt byden voorsz zyn broeder mr Gerrit
van berckeuroede ende oock zynen substituyten ad lites alrede in h
comparants naeme gehandelt ontfangen ende gebesoingneert es ende
noch gebesoingneert ende ontfangen zal werden Ende In allen
gevalle te volcomen tgewysde. Onder allen verbanden
van Rechts wegen daer toe staende ende behoeren. Versouckende
den zeluen Comparant aen my Notario voors. hyer van gemaect
ende hem gelevert te werden behoorlicke acte In forma Aldus
gedaen binnen der stadt Haerlem Inde noeuwe scryffcamere
der voors stadt. Den tweeden dach van junio inden Jaeren
XVC Sessentzeventich, in Jegenwoordicheyt van Pieter præz.
ende mr Dirck spycker poorters ende Inwoonders der stadt
voors. als getuygen van goeden gelove tot kennisse van desen versocht
ende gebeden zyn die desen hebben ondert., te weten, de
munte.
Tot duiden te ende volcommen heeckenheyt
Des waerhe¬
Notaris gesubsigneert desen by my openbaer
in De wierden nots. schl.
bij
Gt.