Blader door transcripties » Noord-Hollands Archief

archieftoegang 1617, inventarisnummer 2, pagina 87

huwelicxe voorwaerden van mr Herebert Stalpaert
vander wiele ende katerma van wamelen
Inden Naeme ons heeren amen. By desen jegewoordigen
Instrumente zy een yegelicken keulick ende openbaer hoe dat inde
jaere vander geboorte desselffs ons heeren Jesu christi duysent
vyff hondert Sessendetzeventich. De vierde Indictie des saterdaechs
den vyffden dach van meye omtrent seven uren naer noene Imperorende
die alderdoerluchtichste ende grootmoegenste Prinche en heere, heere
Maximiliaen De tweede geboren voomsch keyser vandier naeme, Int
twaelffde Jaer naer zynder electie. Voor my Notaris publyck
by des Co. Mats. zaide van Hollat geadmitteert & den naegescreven
getuygen persoonlicken gecomen en gecompareert zyn geweest. Mr
herebert stalpaert vander wiele zyne Co. Ma.ts raedt & Rentmr
generael van kennemerlant ende westfrieslandt, met joncvrouwe
Josqua de Jongewede wylen Corn. stalpaert van wijele zyne
moedere, & Heynrick vander stryxe symonsz zynen swager ter eenre
zyde. Ende katherina van wamelen heynricx dochter geassisteert
met mr philips van mathe, burgermr der stadt haerlem haere
neue & gecoeren voocht in dess ter andere zyde Ende verclaerde
de zelffde mr Herebert stalpaert vander wiele en Katherina
van wamelen aen weder zyden voor ende aleer zy malcanderen trouwden
ende besliepen dat zy ter eeren goods ende naer ordonnan van Heylegen
catholycke kercke In wettigen huwelicke metten anderen sullen
vergaderen. Op alsulcke conditien ende huwelicxe voorwaerden als
zy ten overstaen van voors anderen comparanten elckanders
belooft en overgegeven hebben hier naer breder verclaert. Ende
met alsoodanigen goeden als by goede verclaringe gespecificeert staen
zyluys respectiue elcxs hebben ondergeteyckent
in twee cedullen die zy
ende malcanderen geexhibeert. Daer mede zy comparanten verclaerden
zeer wel te vreden te wesen Begeren oversulcxs dat de zelve
twee ondergeteyckende overgeleverde cedullen, met alle tgh
daer Inne es begrepen ende verhaelt, van gelycke cracht ende
effecte wesen zal als oft in desen van woorde te woorde
vuytgedruct ende geinsereert waere Ende ende voorts tusschen
den voors contrahenten bevoorwaert ende geconditioneert dat
Indien de voors me Herebert stalpaert vander wiele
compt te overlyden ende afflivich te werden voorde voorn. Kutherman
van wamelen zyne toecomende bruydt. Ofte oock dat de zelve
Katherina van wamelen quame te sterven ende afflivich te werden voorden
voors. mr. Herebort salpaert van de wiele toecomen brudegom, het
waere met ofte sonder kinderen by malcanderen geprocreert achter te
en in allen gevalle
laeten, dat alsdan de lancxtlevende van hem bij
naer hem nemen ende behouden zal, alle de goeden die den zelven langstlevende
tot desen huwelicke aen de eerste gestorven gebrocht heeft, met oock
daer toe alle derffenisse besterffenisse ende goeden die den selven langstlevende
Lix
59
by staende huwelicke van zynre ofte haere zyde opgecomen ende
aenbestorven sullen wesen, ende daer toe allen clederen cleynodien,
inweelen, harnasch geweer en anders al ten lyve vande voors
langstlevende behoeren Ende sullen daer tegens tkindt ofte kinderen
Off by gebreecke van hemluyden den erffgenamen van eerste
gestorven mede naer hem nemen hebben en behouden, allen den goed
die den zelven eerste gestorven, in huwelicke aenden voors
Lancxstlevende gebracht heeft, mitsgaders alle dorffenisse
bestorffenisse ende goeden die den voors. eerste gestorven by staende
huwelicke van zynre ofte haere zyde opgecomen ende aenbestorven
sullen wesen, ende daer toe Insgelycxs mede allen clederen cleynodie
Juwelen, harnasch, geweer ende diergelycke al ten Lyve vande
eerste overleden behoort hebben, Wel verstaen indient gebeurde
dat den voorn. mr. Herebort stalpaert vander wiele
quame deser worlt tontrlyden voorde voors katerina van
wamelen tzy niet ofte zonder kinderen by malcanderen gewonnen
achter te laeten.
Dat de voorn. Katherina van Wamelen In
zulcken gevalle zal hebben trecken ende ontfangen in rechter
Douarie vuyt deerste ende gereetste goeden van mr. Herebert
stalpaert vander wiele voornt. De somme van hondert
karoly guldens te xl groon vlaems tstuck tsjrs haeren leve
lanck gedurende ende nyet langer Onder conditie nochtans
dat by aldien het sulcxs geviel (dat God verhoeden wil
dat dese jegewoordige trouble tyden bleven continuerende, ofte
andere diergelycke wederome op quamen, waer deurt de
landen ende renten de welcke den voorn. mr. herebort
stalpaert vander wiele In desen huwelicke gebrocht
heeft onvruchtbaer souden blyven leggen, dat in sulcken
gevalle de voorn. katherina van wamelen nyet meer en
zal genieten tot haere voors Douwarie, dan naer advenant
den zelven goeden van me Herebert voorss. telcken Jaere sullen
vuytbrengen, Es voorts ondersproecken geconditioneert
ende wel bevoorwaert dat indien d'een off Dandere van
hem beyden Off beyde de voors contrahenten ende toecomende
bedde genoten te samen afflivich worden achterlaten levende kindt
ofte kinderen bij malcanderen gewonnen. Dat t‛een kindt stervende
Lyve
sonder echte leuen blyven blycken geboorte van
gecomen ter werlt te laeten, sal erven op dandere kindt ofte
kinderen totten Laesten kinde toe Ende Indien tlaeste kint
mede quame toverlyden sonder echte levende blyven blycken gebeorte
van zyn lyve gecomen naer hem ter werlt te laeten, dat
alsdan den zelve laeste kuw goeden sullen comen cruen en besterven
elcxs aen zijde vandaen die gecomen sullen wesen Ende alsoe voorts
nederdalende van kints kinde, soe Lange daer eenich Int Leven west