Blader door transcripties » Noord-Hollands Archief

archieftoegang 1617, inventarisnummer 2, pagina 81

boele geweest es, eygentelick erven ende succederen zal opten
erffgenamen vande voorn. Sophia Jans dochter alleene
soe tmeeste silverwerck van haere zyde gecomen ende inden
voors boele gebrocht es, sonder dat den erffgen van voorn
frans claessz eenige begrotinge daer tegens gedaen zal
werden in eeniger manieren, Ende boven alle tgundt
voeren verhaelt es hebben de voorn. testateurs gesamentelijk
ende elcxs van henluyden in sonderleyt wel expresse verclaert
ende gestipuleert, dat indien zyluyden te samen ofte elcxs van
hem alleen hier naemaels tot eeniger tyt eenige poincten
van desen heurluyder testamente ende vuyterste wille
deden veranderen Off oock yemadt meer ofte anders tot
heurluyder erffgenamen Institueerden, Insgelycxs eenige
Legaten meer maecten, twaere off tzelve geschiede voor
Notaris ende getuygen, voor twee getuijgen alleenlick, oock
voor heurluyder biechtvader, ofte in een ceeulle
apart onder heurl. ende elcxs heure hant gescreven, off
oock alleenlick met heurluyder namen ondergeteyckent
sijn, dat zy willen ende vastelick begeren dat alle tgundt
in sulcke maeckingen zal zyn verhaelt gemaect, ofte
gelegateert van sulcker cracht ende waerden wesen zal
ende gehouden zal worden, all oft In dese jegewooren
Heurl. vuyterste wille ende testamentaire dispositie
verhaelt vuytgedruct, ende van poinct tot poinct geinsereert
waere. Alle twelcke hyer voeren geschreven ende
verhaelt staet, die voors. Frans claesz. soutman ende sophs
Jans dochter, testateurs gesamentelicken ende elcxs
van henluyden alleene wettelicken aen handen
Myns Notaris hyer ondergeschreven stipulerende, seyde
ende verclaerden te wesen elcxs heurluyder testamente
vuyterste wille ende Laeste begeerte willen ende begerende
dat dzelve voor alsulcxs, ofte als codicille, gifte
uuyt zaecke des doots, off anders (soe eenige vuyters
wille tzy naer bestreven Rechten ofte Lants gewoonte
alder best stadt grypen ende effect sorteren zal moegen
Naer heurluyder beyder overlyden vast ende onverbreeckelick
in allen zyn poincten ende clausulen, onderhouden ende
53 LIII
geachtervolcht zal werden. Nyet jegenstaende ’t gebreck
van eenige solempniteyten, die in desen ( nodich zynde)
mochten bevonden werden, die zyluyden testateurs
verclaerden expresselick te nyete te doen & te derogeren by
desen. Ende versochten henluyden hyer van by my Notaris
gemaect ende gelevert te worden een ofte meer Openbaer
Instrumenten Inder alder bester forme Aldus gedaen
ende gepasseert binnen der voors stadt Haerlem
ten daege Jaere ende Indictie als boven Ten huyse
van voors. Testateurs staende opte Spaerne, alwaer
present ende jegenwoordich waeren als gelooffwaerdigh
getuygen Dirck zijmonsz. grootschipper poorter der voors
stadt Haerlem, ende Willem Janssen cort van Castricum
binnen der zelver stadt haerlem woenen, tot
kennisse van desen met my Notario versocht ende byden
voorsz. Testateurs gebeden zijn. Die de minute van desen
oock met my Notario ondert. hebben.
ƒ
hy kennisse ende tot volcomen zekerheyt des
waerheyts hebbe Ick Michiel van woerden
desen gesubsigneert
Notaris publijck
De woerders
nots.
Acte van de molen buyten Sinte-¬
katherinen brugge.
Op huyden compareerden voor My Notaris publyck hyer
ondergess. ter presen. van naegenomineerden getuygen, Elisabeth Jans
dochter wed.e van wylen pieter Heynricxz in zynen Leven molenaer
van molen buyten sinte katherinen brugge die althans omme gevallen ofte
gewayt es, van welcke moelen de zelve Lysbeth in eygendom
competeert de gerechte helpe, ende voor d'ander helpe haeren
Leven lang t gebruyck vandien, ten overstaen van Aernt Heynricxz
haeren gecoeren voocht in deser zaecke ter eenre. Ende Cornelis