Blader door transcripties » Noord-Hollands Archief

archieftoegang 1617, inventarisnummer 2, pagina 46

jachtergelaten goeden, vercoft, tot gelde gemaect
ende op renten gestelt sullen wesen, alsdan van
ceerste Incomen dat zy sal genieten, te betalen
in handen van haere testatrices halue broeder
genaempt aernt cornz, woenende tot amsterdom
de somme van twee ponden groen vlaems eens
sonder meer, Ende soe wanneer de voors.
haere testatrices suster, zal wesen, Inden
gehelen ontfanck vanden voors Jaerlicx en
incomen ende eer nyet, Sal gehouden wesen
vuyten voors. Jaerlicxen Incomen vuyt te
te reycken ende te betaelen alle jaers aen handen
van Marytgen gerrits dochter weduwe van
wylen Jan adriaensz verwer In zyn leven
83
procureur voor de vierschaere der stadt
haerlem haere moeye, De somme van twee
ponden groon vlaems ende dat haer leuen lanck
geduyrende ende langeruyet, Ende oft gebuerde dat
de voors dienwer cornelis dochter, haere
testatrices suster, deser, werlt quame te ouerlyden
voor haer testatrice ofte voorde voors marytgen
gerrijts dochter haere moeye, dat in sulcker
gevalle alle den voors Jaerlicx en Incomen —
van alle haere testatrices voors achter gelaten
goeden, succederen zal op te voors marytgen
gerryts dochter haere moeyen, soe verre zy
leven lyve es, Die zy in sulcken gevalle
daer mede Institueert by desen te weten haer
leuen lanck ende vorderingen, Verclaerden
voorts zy testatrice haere vuyterste wille
te wesen, dat naeden Omerlyden vande voors
haere suster, Dieuwer corn dochter ende haere
moeye Marytgen gerrits dochter, die hyer
voeren Inde lyftochte van de voors. goeden
geinstitueert ende gesubstitueeert zyn, Alle haere
testatrices voors. goeden die zy metter doot
ruymen, ende ter werlt achterlaeten zal. In en gendom
gaen, erven, ende succederen sullen, te weeten opten kint
gekinderen van haere testatrices voorsz. halven
broeder aernt corn & dan in leven lyve wesen
de Drye gerechte vierendeelen vanden, Ende
xij
op den kindere van adriaen Janss zael taelma
voor de vierschaere deser stadt haeren neue
dan mede in levende byne wesende Een gerecht
vierendeel vandien. Daer Inne zy testatrice
een selven kinderen nu voor alsdan justitueert
by desen, Ende sullen de voors. goeden
van teene der voors kinderen op dandere zyne
broeders ofte susters erven, ende tlaeste van elcke
der voors kinderen sterven, sonder blyven blyckende
geboorte achter te laeten, dat alsdan de voors.
goeden, gaen succederen ende erven sullen, aen naesten
van de bloede ende erffgen vanden voors kinderen
dan Inder tyt zyn. Ende heeft zy testatrice
Omme dese haere vuyterste wille te
volbrengen ende te executeren, ende mede omme de
voors vercopinge van haeren goeden te doen,
Inder manieren alsboeren, ende oock mede omme
de zelve goeden Inde weescamere deser stadt
Haerlem aen te brengen omme onder den
weesmeesteren geregeert ende bewaert te werden
twelck zy testatrice expresselick by
desen wil ende begeert) tot behouve van den
voors. dienwer cornelis dochter haere suster
Marytgen gerryts dochter haere moeye ende
naer haerluyder overlijden tot proffyte
vonden voors kinderen, hyer voeren geroert)
geordonneert, geeliceert, ende ernstelick daer
toe versocht by desen Claes Pouwelsz
drapenierder burger der stadt haerlem, hem
bidden den voors last te willen aenvaerden
soe verre hy alsdan in leven lyve es, indien
nyet, eenen anderen persoon nvt ende bequaem zyn
in zyne plaetze Omme tgundt voors es te
volbrengen In alle zyn poincten, ende oock die
den jaerlicxen Incomen tot behouve van de voors
erffgenamen ontfangen zal, sulcx, als byden
weesmeesteren deser stadt inder tyt daer
toe geordonneert zal worden, ende zy comparanten
by desen wil ende begeert, dat den voors persoon
die den voors last ende jaerlicxen ontfanck
hebben zal, oock tot discretie vanden voors