Transkripte durchsuchen » Nord-Holland Archiv

Archivzugang 1617, Inventarnummer 147, Blatt 93

H.A.
Inden Naeme ons Heeren Amen. Bij den Innehouden vanden
jegenwoordigen Instrumente sij eenen yegelycken kennelijcken ende
openbaer, dat inden Jaere naeder geboorte desselffs ons Heeren Duijsent
ses hondert Negen-entwintich. Den negenthienden dach der maent
Aprilis, wesende Dondersdaechs smergens de klocke omtrent negen
vuijren. De twaelffde Indictie, Regnerende den onverwinnelijxter
ende Grootmogensten Heere, Heere Ferdinandus, bij Goodes gemaede
den tweeden vandier naeme, gecoren Roomsch keijser, int thiende
haere sijns Rijcxs. Voor myn Jacob Schoudt, Notaris publijcq
bijden hove van Hollandt geadmitteert, binnen der stadt Haerlem
residerende, in presentie vande getuijgen hier ondergeschreuen, -
persoonelijcken verschenen ende gecompareert sijn. D'eersamen
Louris florisz schipper, ende Aechtgen Dircxs dr echte man en wijff
poorter ende poorterse deser stede, myns Notaris seer wel bekent
beijde gaende, staende, cloeck ende gesont van lichaemen, Heur verstant
redenen ende spraecke door des Heeren genaede noch wel machtich, &
ten vollen gebruyckende, alst vuyterlycken gebleecken is, ende men
anders nyet en konde bemercken. Ende verclaerden, te ouerdencken
de brosheijt deses tijtelijcken leuens, als eene schaduwe opden
aerden vergunckelijcken sijnde, de seeckerheijt des doots, ende
d‛onseeckerheijt des tijts ende vuyere vandien, ende daeromme vande
tijtelijcke goederen, haer van Godt Almachtich opder aerden verleent
naer heur beijder geliefte begeerden te disponeren. Ende sulcxs naer
voorgaende Christelijcke recommandatie van haere sietlen eyde
lichamen, hebben te samen, ende elck int bijsonder haeren Testament
laeste ende vuyterste wille, sonder ijemants quaeden raet, Inductie oft
misleijdinge, maer vuyt elck anders vrije wille ende onbedwongen
gemoede, als sij opentlijcken seijden, haare gemaect, geordonneert
ende besloten, maecken, ordonneren ende besluijten mitsdesen, in roege
ende manieren hier naer verclaert. Inden Eersten, Soo hebben de
voornoemde Testateuren, Indien ten overlijden vande eerst stervende
van hen beyden, geene kindt noch kinderen, vuyt heurluijder huwelyck
voortgecomen int leuen en sijn, vuijt rechter lieffde, gunste, ende
echtelijcke affectie die sij malcanderen toedraegende sijn, ende ander
redenen haer moverende. De Amxtlevende van hen beyden, gegunt
ende gegeuen, gunnen ende geuen malcanderen bij desen, syn ofte haere
leven lanck geduyerende, het volle ende vrije besit van alle de goederen
vanden eerstgestorven, ende consequentelyck vanden geheelen boele
Omme alle de selue, ende elcken vandien te mogen wenden ende keeren
oock aentasten, vercopen ende verteren, als oft sij beijde in leuen waer
ende opde stoele saeten, sonder gehouden te wesen, ofte geconstringeert
te mogen werden, aen yemant ter werelt daer van te heueren eenigen Staet
off Inventaris, noch borge voorde verminderinge vandien te stellen,
Int minste ofte meeste, in eenigerwijs, Instituerende oversulcxs -
malcanderen, ende elck den anderen reciproce, ouer ende weder over, dat in
de eerst stervende de lauxtlevende van hen beijden, tot elcxs eenige ende
universeele erffgenaeme, van alle sijne ofte haere naer te latene goederen
ƒ
omme daer over te wesen vry heer ende meester, ende daer mede te doen,
sulcxs de selue limptlevende dat goetduncken ende belieren sal, sonder
yemants off eenich tegenseggen, Met sulcken verstande ende mening
nochtans, dat alle de goederen, die naederlant, bijde lanxtlevende van
hen Testateuren, metter Doot ontruijmpt, ende ter werelt achtergela„
sullen werden, sullen gaen, erven, ende devolveren, aen wedersyden halff &
LXXXIX
halff, op ende aen elcxs naeste vrunden ende gerechte erffgenaemen, alsdan
int leuen, ende daer aldernaest toe gerechticht wesende, dewelcke mitsdien
nu voor alsdan, ende dan vooralsuu, inden vollen ende vryen eijgendomme vandien
bij hun Testateuren werden geinstitueert. Ende oft gebeurde, datte voorn
Louris Dievens Florisz eerst ende voorde voors Aechte Dircxs dr. sijne —
Huysvrouwe in manieren alsvooren afflijrich werde, Soo sal de selue
Aechtgen Dircxs terstonts nae sijn ouerlijden moeten vuytkeren ende laeten
volgen, aen sijne broeders ende Susters alsdan in levenden lijve sijnde, alle de
wolle ende linne clederen, die ten hooffde ende lichaeme van hem Testateur
gedient ende toebehoort sullen hebben, Dien hij Testateur de selue sijne broeders
ende Susters, maect ende bespreect bij desen. Ende sij Aechtgen Dircxs dr.
eerst stervende voorden voorsz. louris floriss haeren man, in voegen voorst,
Dirck Henricxsz haeren Vader, noch int leuen sijnde, Soo sal in sulcken -
gevalle den selven haeren man, aenden voors Dirck Henricxsz haeren vader
laeten volgen ende vuytkeren, alle haere wolle ende linne clederen, -
eoude ringen, silverwerck ende diergelijcke, dat tot haeren hooffde, lijve
ende gerijve gedient ende toebehoort sal hebben, nyet daer van vuytgesst.
Justituerende sij Testatrice, haeren voornoemden vader daer in plaetse
ende voldoeninge van sijne legittima portie. Doch sij Testatrice den selven
Dirck Henricxz haeren vader ouerleuende, sal de vuytreijckinge van haere
clederen, ende verdere lijffs toebehooren alsvooren, geschieden aen
Aeltgen Dircxs dochter haere Testatrices Suster, die de selve voor te
haer alleen vry eijgentlijcken sal blyven behouden, mitsdien dat sij
Aeltgen Dircxs daer vooren, sal betaelen, aen yder een van huere
Testatrices broeders die alsdan int leuen sullen wesen, De somme van
Ses carolus guldens eens, tot een gedachtenisse. Alle twelcke
hier vooren geschreuen ende verhaelt staet. De voornoemde Louris
florisz ende Aechtgen Dircxs dr. Testateuren (:doende wettige
stipulatie aen handen mijns Notarij :) opentlijcken seijden ende -
verclaerden te wesen heure beijder, ende elcxs haeren vuytersten
wille ende Testamentaire Dispositie, Willende ende begerende -
daeromme de selue naer heurluijder, ende elcxs ufflijvicheijt alsoo
vast ende onverbreeckelijcken geachtervolcht, onderhouden ende
naergecomen hebben, tsij in crachte van Testament, vuyterste wille
Codicille, Donatie vuyt saecke des Doots, onder den levenden ofte
andersints, soo als des menschen laeste ende vuyterste wille, best end„
custelijcxt naerde beschreuen rechten, off goeder costuymen van eenige
landen off Steden, mach bestaen, van waerden blijven, ende effect -
sorteren. Myettegenstaende t gebreck van eenige rechtelijcke
solemniteijten in desen beuonden, die sijluijden expresselijcken hebben
gederogueert, ende te nijete gedaen bij desen. Ende versochten hier
van bij mijn Notario voornt gemaect, ende haer geleuert te werden, een
ofte meer openbuere Instrumenten, in behoorlijcker forme. Aldus gedaen,
verleden ende gepasseert, binnen der voors stadt Haerhem, ten woonhuijse
mijns Notarij, gestaen inde Sijlstraete, ten dage, Jaere, maent ende
Indictie alsboven, in presentie van Adriaen Euerswijn, Clercq ten Comptoir
mijns Notarij, ende Jan cornelisz visscher schoenmaecker, als getuygen van
goeden gelove hier over geroepen, die beneffens de voornoemde Testateuren
de minute van desen mede hebben geonderteyckent /
Ende want sulcxs bijde voornoemde Testateuren voor mijn
openbaer notaris, ende den getuijgen bovengenoempt es
geschiet ende verleden, Soe hebbe ick mijne gewoonelijcke
signature hier beneden gestelt,
Een
Schoudt Nots: Pub: stver.