Transkripte durchsuchen » Nord-Holland Archiv

Archivzugang 1617, Inventarnummer 147, Blatt 8

ende aen Joost ende Janneken Hoeffnagels, elcxs Sesse
hondert der voorscreuen guldens, maechende voor de voors
drye staecken de voors Somme van Twee duysent car:
guldens, daer mede zij Testatrice begeerde Dutte selue sullen
D
affstaen, ende hen te vrede houden, sonder ijet meer te mogen
eijsschen. Alle twelcke hier boven geschreuen ende verhaelt
staet, Seijde ende verclaerde de voorn. Perijntgen Heeffnagels
Testatrice (: doende stipulatie aen munis Notaris vanden :)
haeren Testament, ruijterste wille ende expresse begeerte
te wesen, Willende ende begerende daeromme tselue naer
haere afflijricheijt, alsoo vast ende onverbreeckelijcken bij eenen
yegelyck gevolcht ende onderhouden hebben, tsij in crachte
van Testamente, vuyterste wille, Codicille, gifte ter saecke
des doots, onder den levenden ofte anders, soo als des menschen
laesten ende vuijtersten wille naerde beschreuen rechten ofte
goeder costuijmen van eenige landen off Steden, alderbest
bestaen ende van waerden blijven sal mogen. Nyettegenstaen
tgebreck van eenige rechtelycke solemniteyten in desen
bevonden, die sij Testatrice voor soo veele alst noot es,
wel expresse derogeerden bij desen. Ende versochte aen myn
openbaer Octurjo voornt. hier van te maecken ende te leuen
een ofte meer openbaere Instrumenten, inder bester forme, -
Aldus gedaen, verleden ende gepasseert, binnen der voors
stadt hyerlem, te mijns Notaris huijse, staende inde —
hijlstraete, opten dage, Jaere, maent ende Indictie alsbouen
daer als getuijgen van goeden gelove mede present ende
jegenwoordich waeren d'eersame mannen Vincent de hondt,
ende Joos Lijbaert van Ste. Maertens leerne
beijde poorteren ofte Innenwoonderen der voorsz stadt Haerlem
die verclaerden de Testatrice wel te kennen, hier toe
met mijn Notario speciaelijcken versocht ende gebeden,
die mette Testatrice desen alhier ten Prothocolle mede -
hebben geteyckent.
teijcken.
vivent de hout
Joos Haert
Perijntgen Hoeffnagels
eygen hant.
Ende want sulcxs bijde voorn. Testatrice, voor
mijn openbaer Notario ende getuijgen bovengenoempt
alsoo rijpelijcken is verleden ende gepasseert, Soe
hebbe ick mijne gewoonlijcke signature hier beneden
gestelt
ende
Schoudt
Nots: Pub:
D
Een
Dirck Lambrechtss van Driel
Jongesel, oudt xxvij Jaeren
Testament.
Inden Naeme ons heeren Amen. Bij den Innehouden
vanden Jegenwoordigen Instrumente sij eenen ijegelijcken
kennelycken ende openbaer, dat inden Jaere naeder geboorte -
desselffs ons heeren, Duijsent ses hondert achtentwintich
den Negenentwintichsten dach der maent Septembris.
wesende Vrijdach, de clocke omtrent elff vuyren suiddaechs
de elffde Indictie, Impererende den onverwinnelijcxten ende
Grootmogensten keijser ferdinandus, bij Godes gragie gecoren;
Roomsch keyser, den tweeden vandier naeme int thiende Jaere
synder keij. Ma.ts electie, voor myn Jacob Schoudt, Notaris
publijcq. bij den hove van Hollandt geadmitteert, binnen der
stadt Haerlem residerende, ten bijwesen vande naerbeschreuen
getuygen, in eygener persoone Compareerde, D'eersamen Dirck
lambrechtsz van Driel Jongesel mijn Notaris wel bekent,
oudt xxvij Jaeren, soo hij verclaerde, ende sulcxs den tijt binnen
dewelcke hij nae rechte nijet en vermochte te testeren
gepasseert synde, gaende, staende, cloeck ende gesont van
lichame, gebruyckende door des Heeren genaede ten vollen sijn
verstant, memorie, spraecke ende vijff sinnen, soo alst claerlycken
bleecke, ende men anders nyet en konde bemercken, Ende
verclaerde, dat hij, omme te voorcommen den onseeckeren stondt
ende vuijre des Doots, die nyemant ter werelt voorbij en mach,
naer sijn goetdancken ende belieuen begeerde te disponeren, -
vande tijtelijcke goederen, die hij stervende metter doot
ontruymen ende achterlaeten sal, naedien hy van meninge es, -
om eerstdaechs te begeuen opde reijse van OostIndien, Ende
oversulcxs naer voorgaende Christelycke recommandatie van
syne siele ende lichaeme, heeft vuyt sijnen eygen puyren,
vryen wille, ende sonder van ijemant ter werelt door
eenige sijnaede ofte sinistre practijcken, daer toe gebracht
misleijt, ofte geinduceert te wesen, soo hij verclaerde, bij forme
van Testamentaire Dispositie, ende als sijnen vuijtersten
wille, gemaect, geordonneert ende gestatueert, maeckt
ordonneert ende statueert bij desen, alle tgeene ende sulcxs
als volcht. Inden Eersten, soo wilden ende begeerden den
voorn. Testateur, Indien hij t' eeniger tijt van deser Werelt
quame te passeren, Lijntgen Claes dr. van Velthuijsen sijne -
Moeder ongetrout noch int leuen sijnde, dat in sulcken gevalle
de selue sijne Moeder haer leuen langh ofte tot wederhuwelycken
toe in rechter Tochte ende vruchtgebruijck sal blijven besitten
alle sijns Testateurs goederen, beijde roerende ende onroerenden, -
die bij hem metter Dort sullen werden ontruijmpt, eghene
vuytgesondert, daer inde sij voor haere legittima, en andere
rechtelycke off wettige portie, oock by desen wert geinstitueert