Transkripte durchsuchen » Nord-Holland Archiv

Archivzugang 1617, Inventarnummer 147, Blatt 6

Van Janssz vanden Briele ende
Lijsbet Aert Schepers Dochter
yne huysvrouwe Testament.
Sr. Anden Naeme ons Heeren Amen. Bij den Innehouden
vanden iegenwoordigen Instrumente, sij eenen ijegelijcke
kennelijcken ende openbaer, dat inden Jaere naeder
geboorte desselffs ons Heeren Duysent Sesse Hondert
Achtentwintich, op Sondach den vijerentwintigsten dach
der maent Septembris, de clock omtrent elff vuyren voorden
middach, de elffde Indictie, Impererende den onverwinnelijc
ende Grootmogensten keijser ferdinandus, bij Godes genade
den tweeden vandier naeme, int thiende Jaere sijns Rijcxs,
Voor myn Jacob Schoudt, Notaris publijcq, bij den hove van
Hollandt geadmitteert, binnen der stadt Haerlem resideren
ten bijwesen vande naebeschreven getuijgen, in eygener
persoonen compareerden, Jan Jansz vanden Briele ende
Lijsbet Aert Schepers Dochter, sijne wettige huysvrouwe,
mijn Notaris wel bekent, wonende Jegenwoordich binnen deser
stadt Haerlem, wesende beyde gaende staende, in goeder
dispositie. Waer verstant, redenen ende spraecke door des
Heeren genade vuer all wel machtich, ende perfectelijcken
gebruijckende, soo alst claerlijcken bleecke, ende men anders
nijet en konde bemercken. Dewelcke, alsoo den voorn.
Jan Janssz nu alrede vuerdich is, omme met Godes hulpe, sic
twegen mette eerste gelegentheijt te begeuen opde OostIndisch
reijse, voorgenomen hadden te versien van haeren vuytersten
wille, ende te disponeren van haere tijtelijcke goederen, omme
daer mede soo veele doenlijck es te voorcommen den onseeckeren
stondt ende vuijre des doots, die nyemant ter werelt voorbij
en mach. Ende sulcxs naer Christelijcke recommandatie van
haere sielen ende lichamen, Hebben vuyt vryen onbedwongen
gemoede, soo zij verclaerden, bij forme van Testamentaire —
dispositie, ende als haeren vuijtersten wille, geschict,
gemaect, geordonneert ende gestatueert. Schicken, maect
ordonneren ende statueren bij desen, alle tgeene ende sulcxs
als hier naer volcht. Als eerstelijcken soo wilden ende
begeerden de voorn. Testateuren, te samen, ende elcxs
sonderlinge, datte lanxtlevende van hen beijden (: wije
die sijn sal, Godt alleenen bekent is :) in alle de goederen vanden
eerstgestorven, ende consequentelyck van heurluijder
geheelen gemenen boele, sal blijuen sitten. De selue wenden en
keeren, oock tot allen tijden aentasten, vercopen ende vertere
in allen schijne off sij beijde inden leuen waeren, ende opde -
stoele saeten, zijn ofte haere leuen lanck geduyerende, soo wel
die geene die sij nu ter tijt met malcanderen possideren,
bijde voorn. Jan Janssz op sijne voors voorgenoemen reijse
verouert ende geconquesteert, ende vervolgens bijde eerst
stervende metter doot ontruympt ende achtergelaeten sullen
werden, egeene vuytgesondert. Met alle welcke de —
4 - iiij
Lamxtlevende bij aldien ten overlijden vande eerst stervende
van hen beijden, geene kinderen nochte wettige lyffs erven
uuijt heur beijden verwect, int leuen en sijn, sal jurgen doen, sijne
ofte haere vrije wille ende believen, als met andere sijn ofte
haere vrije eijgen goederen, sonder ijemants off eenich tegen
seggen, alsoo zij malcanderen, ende de eerst stervende den
anderen lanxtlevende, in die gelegentheijt, mitsdesen
nomineren - ende Institueren, tot sijne ofte haere eenige en
universeele erffgenaeme, pleno Iure Institutionis. Des, Indien
de voornoemde Jan Jansz Testateur, eerst ende voorde voorn.
Lijsbet Aerts Dochter, sijne wel beminde huijsvrouwe, in
manieren vooren verhaelt, van deser werelt compte te —
passeren, Heijltgen marcelis sijne Moeder noch int leuen
wesende, de selue Lijsbet aerts dr. in sulcken gevalle —
sal vuijtkeren ende betaelen, aende voorn. Heijltgen marcelis,
dr. de somme van twaelff carolus guldens, van veertich
grooten vlaems tstuck eens, die hij Testateur de selue
Zijne Moeder mit sesen legateerde, ende oock daer inne
Justitueerde mitsdesen. Ende waertsaecke datte voorn.
Lijsbet Aerts dochter, eerst ende voorde voors Jan Janssz
haeren wel lieuen man, in manieren voors ufflijrich werde,
Soe heeft zij Testatrice besproocken ende gelegateert bij desen
aen Sara Aerts Dochter haere suster, alle het silverwerck
t'welck thueren hooffde ende lichsame sal hebben toebehoort
dat haer bijden seluen Jan Janssz vuytgekeert sal werden.
Ende de voornoemde Lysbet Aerts Dochter, Testatrice -
verders alleene disponerende, heeft met expres consent
ende bewilginge vanden selven Jan Janssz Bueren man, —
noch geordonneert ende gestatueert bij desen, Indien den
voors Jan Janss (haer ouerleyende :) quamen te seruen, binnen
den tyt van een Jaer, naer dat sij Testatrice, van deser
werelt sal was gepasseert, dat in sulcken gevalle —
alle de goederen, die sy niet haeren affsterven sal hebben
ontruijmpt, wederom sullen comen ende keeren naerde zijde
van haer Testatrice, op ende aen haere Vrunden ende
gerechte erffgenamen, alsdan int leuen sijnde, die sij in
sulcken kas daer toe substitueert mitsdesen. Alle
twelcke hier vooren geschreuen ende verhaelt staet. De voorn
Jan Janss vanden briele, ende Lijsbet Aert Scepers Dochter
Testateur ende Testatrice (:doende wettige stipulatie aen
handen mijns Notarij :) opentlijcken seijden ende verclaerden, te
wesen heure, ende elcxs vuyterste wille ende Testamentaire
Dispositie, Willende ende begerende daeromme, d'selue naer
afflyvicheijt vande eerst stervende van hen beijden, bij eenen -
ijegelyck alsoo vast ende onverbreeckelijcken geachtervolcht
onderhouden, ende naergecomen hebben, tsij als Testament, ofte
anders als Codicille, Donatio inter vivos vel mortuos,
ofte andersints, soo als des menschen laeste & vuyterste
6