Transkripte durchsuchen » Nord-Holland Archiv

Archivzugang 1617, Inventarnummer 147, Blatt 32

vande Testateuren gestaen inde Coningstraet opden hoeck van
Stooffstege, ten dage, Jaere, maent, ende Indictie alscomen, daer
als getuijgen van goeden gelove mede present ende jegenwoordich
waeren, D'eersaeme Abraham Cornelisz ende Otto franss„
van Flodrop, Coopluyden, poorteren, ende Inne woonderen der voorsz
stadt, die mette Testateuren het bewerp van desen mede hebben
geonderteijckent.
Ende want sulcxs bijde voorn. Testateuren, voor
mijn openbaer Notario ende een getuijgen
bovengenoempt, alsoo is verleden ende gepasseert,
soe hebbe ick mijne gewoonelijcke signature hier
beneden gestelt.
Schout
Nots: Pub:
De
E.
XXIX
Inden Naeme ons Heeren Amen. Bijden Innehouden
s
vanden iegenwoordigen Instrumen sij eenen yegelycken kennelijcken
ende openbaer, Dat inden Jaere naeder geboorte desselffs ons
Heeren, eenigen Heijlandts ende Salichmaeckers Jesu Christ
Duijsent Ses hondert Achtentwintich, den elffden dach der
maent Novembris, wesende Saterdach de clock tusschen negen
ende thien vuyren inden Avont, de thiende Indictie, Reguerende
den Alderdoorluchtichsten ende onverwinnelijcxten keijser
ferdinandus van Oostenryck, by Godes genade den tweeden
vandier naeme, int thiende Jaere sijnder Mats. electie, Voor
mijn Jacob Schoudt, Notaris publycq, bij den hove van Hollandt
geadmitteert, binnen der stadt Haerlem residerende, ter presentie
vande getuijgen hier naer genomineert, in eygener persoonen
verschenen ende gecompareert zijn, D'eersamen Pieter Grijspeer
Coopman ende Inuerbouende poorter deser Stede, met d‛eerbuere —
Sara Brants, sijne wettige huijsvrouwe, myn Notaris ende de
selue getuijgen wel bekent. De voorn. Pieter Grijspeer
sieckelycken naerden lichaeme, leggende te bedde, ende Sara -
Brants in gaenden ende staenden lyve, cloeck ende gesont
ende evenwel deur des Heeren gemaede heure beijder verstant,
redenen ende spraecke noch wel machtich ende perfectelyck
gebruyckende, soot vuyterlycken bleecke, ende men anders nyet,
en konde bemercken, Ende verclaerden, hoe dat sijluijden, ouerdencken
de cortheyt deses tijtelijcken leuens, als eene schaduwe opder
aerden verganckelijcken sijnde, datter nijet seeckerder en is dan de
Doot, ende nyet onseeckerder, als den tyt ende vuyre vandien,
voorgenomen hadden te versien van haeren vuijtersten wille, ende
naer heur goetduncken ende believen te disponeren vande -
tijtelijcke goederen hen van Godt Almachtich verleent
Ende naer dat sijluijden eerst ende alvooren haere sielen van het
sterffelijck lichaem gescheijden sijnde, inde grondeloose
barmherticheijt Goodes, ende haere doode lichsamen de begraeffenisse
der aerden hadden gerecommandeert, Hebben vuyt heurluijden
beijder vrije wille, ende sonder ijemants quaeden raet, Inductie, ofte
persuasie, soo sij verclaerden, heure beijder Testament, laeste ende
vuyterste wille, gemaect, geordonneert ende besloten, maecken,
ordonneren ende besluyten mitsdesen, in naevolgende manieren, -
inden Eersten, hebben de voornoemde Testateuren, elcxs -
vuijt huere goederen, gelegateert ende besproocken bij desen aenden
Armen vande Schaele binnen deser Stede. De somme van
Twintich carolus guldens, van xl grooten vlaems tstuck eens,
Willende ende begerende voorts, datte lanxtlevende van hen
beijden, in alle de verdere goederen van heurluijder gemenen boele
tsij roerende off onroerenden, Coopmanschappen, schulden, actien,
ende credijten, gelt, gout, silver gemunt en ongemunt, Imboel
huijsraet ende andersints, nyet vuijtgesondert, rustelijck ende
vredelijck sal mogen blijven sitten. De selue ten vollen gebruycken,
O