Transkripte durchsuchen » Nord-Holland Archiv

Archivzugang 1617, Inventarnummer 147, Blatt 22

geordonneert, datte goederen van henluijden gecomen, ende die vande
selue, bijde eerst stervende vande voorscreven twee kinderen, ofte oock
bij hun beijden afflijvicheyt, onverteert achtergelaeten sullen -
werden, sullen moeten heeren, erven ende versterven, eerst vant
een opt ander, ende vant laeste wederom aen die sijde van daer
die gecomen sijn, sonder dat hun Testateuren meninge es, der
selver kinderen goederen, verder mette laste van fideicommis te -
beswaeren, ofte andersints bij desen te affecteren, in eenigerwijl
Ende waert saecke dat ijemant van heure kinderen, kintskinderen en
geinstitueerde erffgenaemen, met desen nijet te vreden wesende, hier
tegens, off eenich poinct vandien quereleerde ofte opposeerde, off
deden opposeren, in rechte off daer buijten Directelijcken off
Indirectelijcken, soo hebben sijluijden Testateurs in sulcken gevalle
ende voor nu als voor dan, ende dan voor alsnu, den selven opposant
ofte Opposanten alleenlycken geinstitueert, ende Institueren by
desen, in syne ofte haere legittima portie. Die hen nae rechte in -
heure Testateurs naegelaeten goederen, eenichsints sal mogen
competeren, ende verder noch „ naerder nijet. Willende dat het
surplus, ende overschot, bouen de legittima, sal comen ende vervallen,
op ende aen den geenen hen met desen te vreden houdende, Vorders soo
behielden sij Testateuren te samen ende elck int bijsonder, aen haer
selven de volle ende vrije macht, ende authoriteijt, Omme noch naer
desen te mogen maecken, ordonneren, ende disponeren, alle tgeene haer
goetduncken ende gelieuen sal, tsij onder haer eygenhant, bij notaris en
getuijgen, inde tegenwoordicheijt van twee gebuijren, ofte andere
gelooffwaerdige persoonen ende andersints, met expresse begeerte, dat
alle tgeene bij haer alsoo gemaect, geordonneert sende gedisponeert
sal wesen, van gelycken cracht ende waerdije geacht, ende mede
gevolcht werden sal, als off in desen vuytdruckelijck mede geschreuen
ende van woorde te woorde geinsereert ende verhaelt waere,
Alle t'welcke hier vooren geschreuen ende verhaelt staet, de
voornoemde Sijmon franss vanden bogaert, ende Neeltgen Cornelis
dochter van Hogesteijn, Testateuren (doende wettige stipulatie aen
handen mijns Notaris :) opentlijcken seijden ende verclaerden te wesen,
heure beijder ende elcxs Testament, laeste ende vuyterste wille,
dien sij wilden ende begeerden, naer heure beyder ende elcxs overlijden
ƒ
alsoo vast ende onverbreeckelycken in allen poincten, by eenen
yegelijcken geachtervolcht, onderhouden, ende naergecomen hebben,
tsij in crachte van Testament, vuyterste wille, Codicille, -
Conatie vuyt saecke des doots onder den levenden ofte andersints
soo als des menschen laeste ende vuyterste wille, best ende -
onstelycxt naerde beschreuen rechten, ofte goeder costuijmen,
Ordonnantien ende Politien van eenige landen off Steden, mach
bestaen, van waerden blyven, ende effect sorteren, nijettegenstaen
t'gebreck van eenige rechtelycke solemniteyten in desen bevonden
die sij Testateuren expresselyck hebben gederogueert, ende te
nyette gedaen bij desen. Versoeckende voorts hier van bij myn
Notario voornt gefmaect, ende haer geleuert te werden, een
ofte meer openbaere Instrumenten in behoorlycker forme, Aldus
gedaen, verleden ende gepasseert, ten dage, Jaere, maent ende
xviij
Indictie alsbouen, binnen der voors Stadt Haerlem, ten
woonhuyse vande Testateuren gestaen opde Crayenhorsten
Grafte, daer als getuijgen van goeden gelove mede present
ende Jegenwoordich waeren, Willem Willemsz metselaer ende
1
Dirck Jansz Linnewener, poorteren ofte Innenwoonderen der
voors Stadt, die beneffens mijn Notario, de minute van desen
mede hebben geonderteijckent /
Ende want „ tgunt voorss. es, sulcxs voor mijn notario
ende getuijgen voornrempt, es geschiet, ende
verleden. Soe hebbe ick myne gewoonelycke
signature hier beneden gestelt
Schoudt
E: Pub: H
E
Gt.
E