Blader door transcripties » Noord-Hollands Archief

archieftoegang 1617, inventarisnummer 147, pagina 172

vandien bekunden, genijeten, tleuen vande lanxtlevende geduijrende
ende langer nyet. Ende alsoo de voors Abselen Dircxs nu
ongevuerlycken negestueren geleden, van deser werelt comende te
passeren, de voornoemde Anna sijmons dr. blijven sitten was, in alle des
voors Absolon Dircxsz. goederen, sonder aen sijne voors Vrunden ende
erffgenamen, eenighe openinge gedaen, ofte verclaeringe gedaen, nochte
^ daer¬
Staet off Inventaris geleuert te hebben. Ende dat „ over eenich
omiscontentement sijnde geresen, geschapen was, noch meerder
moeyten, ende onlusten, tusschen de voors partijen, ende Comparanten,
te sullen ontstaen, ende vuytspruyten, Die sijluyden liever sagen
verhoet, Soo bekenden de voors Comparanten, elcxs in qualiteijt ende
met assistentie alsboven, opentlijcken voor mijn notario ende getuijgen
naegenoempt, door Intercessie van goede Vrunden hen dies verstaende
ende van wedersyden daer toe versocht, ende gecoren, ouer heurluijden
voorsz differente met malcanderen finnelycken overcomen,
getransigeert, verdragen ende geaccordeert te wesen, in naevolgende
manieren. Te weten, datte voors. Anna sijmons dr. voortaen haer
lenen langh geduijerende, rustelijck ende vredelyck sal blijven int
volle ende vrye besit, gebruyck ende actuele possessie van alle de
goederen, die den voors Absolon Dircx, & haeren van, overleden man,
metter doot ontruympt ende achtergelaeten heeft, soo wel die byde
voorscreven Absolon Dircxsz ten huwelijck aengebracht, als staende
den seluen Huwelijcke verouert ende geconquesteert sijn, ende
daer aff trecken, genyeten, ende ontfangen, alle vruchten, baeten &
emolumenten die daer van sullen mogen comen. Gelijck sij tsedert
het overlijden vanden selven Absolon Dircx tot haer toe gedacht heeft,
Sonder eenigen Staet ofte Inventaris te leveren, noch bewijs off
reeckeninge daer van te doen, in eeniger manieren, Mits dat naer
doode ende afflyrijcheijt vande selue Anna sijmons dr. De voors
erffgenaemen van Absolon Dircxs voornt, ofte die geene, dewelcke
alsdan daer toe gerechticht sullen wesen, bouen ende behaluen de clederen
ende lijffs toebehoorten vande voors Absolon Dircxs die sij luijden
naevolgende de voors huwelijcxe voorwaerden, alrede genoten hebben,
in volle voldoeninge van heurluyder haereditaire portie, noch naer
haer sullen nemen, ende in vollen ende vryen eijgendomme blijven
behouden, het stucke vandts groot omtrent vijer mergen, gelegen inde
banne van Hillegom, omtrent de Oosteynder laen, bijde voorsz. Absolon
Dircxv van sijne sijde ten huwelijck aengebracht, ende inde voors
houwelijcxe voorwaerden verhaelt. Ende d'aerenboven noch vuytten
andere gereetste penningen, goederen ofte schulden, bijde selue Annet
sijmons metter doot t'ontruymen. De somme van duijsent seven ende
dertich gulden thien stuijvers eens, sonder meer. Ende is in desen
noch gecondicioneert, ende merckelijcken ondersproocken, datte voor
erffgenaemen van Absolon Dircxszt voors landt sullen mogen vercopen
ende te gelde maecken, tot allen tyden haer sulcxs goetduncken ende
believen sal, selffs oock bij t' leven vande voorn. Anna Sijmons, mits
163 CLXII
datte penningen daer van procederende, sullen moeten comen in handen vande
Regenten vant voors Godshuijs, inder tijt sijnde, Omme bijde selue Amsa
sijmons de renten daer aff ontfangen ende genoten te werden, soo lange sij int
leuen sal sijn, kerende de selue hoofpenningen naer hueren Doot ende
afflijvicheijt, wederom aende voors vrunden ende erffgenaemen van Absolv:
Dircxsz. Waer mede de voors respectiue partyen & Comparanten,
elcxs in qualite, ende ten ouerstaen als bouen, Seijden ende verclaerden
ouer wedersijden seer wel te vreden ende vergenoecht te wesen, Belovende
voor hen ende heure naecomelingen, bij eere ende vrouincheyt, haer tot
allen tijden daer naer wel ende getrouwelycken te sullen gedragen ende
reguleren, ende malcanderen t‛volcomen effect vandien te laeten
toecomen ende genijeten, sonder elck anderen ter cause voors, naemaels
verder te maenen, aen te spreecken, moeijen ofte te molesteren, door
hun seluen off door anderen, in rechte off daer buijten, Directelyck off
Indirectelyck in eeniger manieren, onder wat schyn, dexel ofte
pretext tselue oock soude wesen, daer vooren verbindende ende ten
onderpande stellende mitsdesen, elcxs persoonen ende goederen, egeene
vuytgesondert, tot bedwanck van alle rechten ende rechteien,
Remunchierende mede hinc Inde van alle exceptien, relieuen, ende
andere acten, ende benefitien van rechte, als oock van gratien, die
henluijden, off ijemant van haer, tegens den Inhouden van desen, off
eenich poinct vandien, eenigh poinct rundien eenichsints te baet
souden mogen comen, ende insonderheijt vande exceptie in rechte, seggende
dat generaele renunchiatie van sonder voorgaende speciaele van geender
waerden en is, Alles ter goeder trouwen. Versoeckende hier
van bij mijn notario voornt gemaect, ende haer ten wedersijden geleuen
te werden, een ofte meer openbaere Instrumenten, in behoorlycker fonne
Aldus gedaen, ende gepasseert, den seuenthienden Septembris anno xvic
Negen-entwintich, ten Comptoire van t' voors Godshuijs, in presentie
vanden E: Sijmon franss vanden bogaert, Regent aldaer, ende Nicolaes
Jansz Verwer, oudt Schepen deser stede, als gelooffvaerdige getuijgen hier
ouer geroegen, die beneffens alle de voors Comparanten de minute van
desen mede hebben geonderteijckent is
In oirconden desen bij mijn openbaer Notario voorn.
onderschreven, gesubsigneert, ende bevesticht.
Gt.
G.
9
Schoudt
Nots: Pub: H.
&