Parcourir les transcriptions » Archives Nationales / Archives d'État de Hollande-Méridionale

accès aux archives 1.04.02, numéro d'inventaire 1053, page 488

Omme die onverre te halen, ende ons beste daer Inne ghedaen met noch
eenighe andere Craemkens daer bij van siende dat den brant dapper
voort liep sijn naer de loghije gheloopen omme aldaer weijr te doen
ende wt het steechken comende van de vismart sach dat den brant
op den hoeck vant steechsken was teghen over Cris baijck daer
de planck leijt om over de sloote te gaen, daer nochtans noch
genen brant en was, aent beginsel vant steechsken, twelck naerder
aenden brant was als kennelijcke Is, voorder waer dat Ick enighe
dinghen vande galderie affghesneeden ende omleeghe geworpen
hebbe, sach den brant opgaen In twee cleijne huisen staende bij
Een ghevel vant groote pacheri ontrent een vadem min ofte meer
onbegreepen vande pagner (ofte heijninghe) ende van daerhebbe den
brant sien aenghaen Jnden geuel die toeghemackt was met Rietsen
radian, ofte matten ende van binnen met hout, want den steenen
muer tot op de solderinge, hadde de gouernuer te vooren doen off breeken
Is voorder brant sien opgaen booven opt stroijen dack ontrent boven
daer de water potten onderstaen, daer nochtans dier tijt gheen vlamme
bij gheweest was, door welck divers aengaen Ick vermoede datter
vier Ingheworpen Is. dit sn tgene mij daer van kennelijck Is, dwelck
bereijt ben met eede te bevestighen, ende dien volghende dit met mijn
eijghen hant ondertekent, datum als vooren In bantam
Hans Marcelis
Ten derden soo verclaere Jock Jan sweerssen quartiesmeester ghelijck
den brant opginck soo ick datelijcken met Jan bommene op de
Cleijne mart gheloopen alwaer den brant Is opghegaen wt het
huis van een Chijneer die daer daeghelijckx poeder macten
voor den Coninck, ende de huijsen beneden de wint waerre In brant
ende booven de wint niet wij sijn met Jan bommene ende Hans marcelis
strackx aende voorsze cramen ggegaen, de selve naer ons beste
vermoghen omruckende, omme de vlamme daer wt te houden tot
bescherminghe vande loghie dan door den snellen voorganck sijn
wij (alsoo ons de vlame ghenachten) Ras naer de loghie geloopen,
om weijr te doen voor den brant die wij vreesden daer strackx
comen soude wesende, maer op de trappen gecoomen om booven te
helpen sasueeren het nodichste, hebbgehesien den brantcomen
Inde Saele, die door den harden wint soo Rus voort liepe, datter
gheen Raet was om te berghen, en hebben den president vande
swalpen die buijten de poort laegen, moeten van daen draegen,
soude anders vande hitte ghebleeven sijn, want het soo verre comen
was dat hij aen sijn aengesicht beenen ende handn dus verbrant,
was dat hij daer wet drij weeken van plat gelegen heeft, mij Is
ock kennelicken datmen door den snellen brant qualijck tlijf
coste bergen, dit Ist gheene dat Ick vande sake weete, als oock
dat den brant op sommige huijsen verre vanden anderen verschijden
ghe coomen Is waer wt Ick eijgentlick sustineere een brant sticht
der Javanen te weesen, hebbende oock verstroijt hier ende daer vier ende
vlammen gesien, alle twelck Ick bereijt bek met eede te bevettigen
toirconde der ondertekeninghe deses met mijn eijgen hant dature
Inde loghie tot bantam als vooren
Jan sweersen