Transkripte durchsuchen » Nationalarchiv / Reichsarchiv Südholland

Archivzugang 1.04.02, Inventarnummer 1053, Blatt 479

Oppercoopman ofte schipper soude mogen (: Coment by syjne naer
gelaeten goederen vont :) wotgenen op een cent aent bootsvolck hondert
Reaelen van 8 en, van een ondercoopman ofte stierman 't sestich Psz van 8en
van een onderstierman ende scheepsoffitiant dertich peaelen ende van
een bootsman twintich Reaelen van 8. en Ende het gelt dattmen
meer bij de soodanige quam te vinden sondemen voor de Companhie
aentasten mits hun tselue op haere Rekeninge tot 47 stuyvers goet
doende twelcke my dunct niet behoyrlycken is, want daer mede
openinge wert gegeven tot verquestinge vande maentgelden
der maettroosen, Ick hebbe 'tselve naer myn vermogen
tegengesproocken, Ende oock verclaert U E oordre, expresse„
lycken was (: alhoe wel die met schriftelycken mede en brachte
datmen egeen gelt tot egeenen Interest p eeniger voegen
yemanden souden doen, Oock sulckx verbooden hadden te bouck te
stellen, Synde uE wille dattmen alle de penninghen die by
overledene gevonden werden wien het oock soude mogen wesen
voor U E heeren aentasten souden, ende sooment den eygenaer
wilden Jnt scheepsbouck op syne Rekeninge crediceeren dattet
wel doen mochten; Waerdoor ditto heer Gouverneur my belooffde
tselve weder aff te schaffen met meerderen gaet datt den tijt leeren
sall verhoope hier by wanneer het In effect Sorteert een goede
saecke voor u E' heeren dienste sall gevoordert hebben
De Scheepen die naert Vaderlant vaeren Connen naer myn oordeel
geen bequaemer verversch plaetsse aen doen als de Reede
van Antipera ten ancker loopende onder de eycanden pa
Clara ende So Luzia daermen vee jn overvroet ende veel appelen
ende limoenen (:dat de alderbeste ververschinge Is) voor seer
geringe prijs becomen can, het schip Banda heeft aen
Mauritius, ende daermede, op de wt Reyse geweest, doch voor
de naerhuys vaerende scheepen comptet veel beter gelegen alsoo
Inden wech is, ende Connen daer bequaemen tot waernemen om
de Caap te doubleeren, hollandia ende middelburch soo haest
de Eydinge van Banda cregen syn van mauritius daer naer toe
geloopen als vooren is verhaelt verhoope daerdoor met gesont
Volck thuys sullen Gecomen syn, Mauritius Is een dorbar
lant ende de ververschinge diemen daer becompt is meest
visch ende palmito de Reste js dorre cost ende alle de scheppen
naer myn onthout diedaer aengeweest hebben syn met menichte
van francken thuys gecomen, Ick hebbe dees saecke hier tot Bantam
vry watt gerecommandeert verhoope den Geenen myn op
hier jnne volcht, dattet hem tot voordeel strecken sall dae
Godt almachtich ganne om voortaen van bequaemer thuysren sen
te moghen vernemene
het Japponse Cargasoen hout my Seer beducht want vreese datter
de met vry watt In somer sall Gemerckt soo lange tyt Inde
hitte binnent schip heeft moeten blyven, Ick hebber op verscheyde
plaetssen aff vermaent om tselve te verluchten ende noch
lest Internate by den heer Gouverneur Generael doch
het werde telcken Reyse om veele Redenen ongeraeden gevonden
meest door de Cortheyt des tyts die elders geanckert gelegen
hebben. Ende de Zeelucht werde oock voor schaedelycken
gehouden te meer het tscheepe quaelyck geschieden mochte
Wanneer myne E heeren met lieff Secondeeren sullen
Jnt eeynden van Eenich treftelyck Cargasoen gelyck het geene
Is datt inden leuw hebben, sal e eer geraeden syn dattet met