Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 319

7
In geender mannieren ende soude Consenteeren hebben eendrachtelyck
geresolueert ende goet gevonden geen cleeden hier te lossen, eensdeels
oogemerck nemende op d‛ordre voors. , als oock om voor te comen diergelycke
onredelyckheden die ons dagelycx syeckt ouerden hals te dringhen, want
hoe meergeuen hoe datse meer willen hebben, ende als hem eenighen tot
consenteren, soude altyt weten watt sorteringe ende quantiteyt van cle
den by ons hebben, dwelck ons wttermaten schadelyck inden vcoop soude
syn, gemerckt de Jananen ende andere Coopluyden het voge door de
meenichte vervult hebbende op veel naer de waerdye daervooren niet en
syude willen geven.—
Ende aengesien de packen wt de voors. Scheepen ende princepa„
lyck wt de cleynne Somme door dien heel leck is dienen gelost, hebben
goetgevonden dat Cornelis Jacobsz ondercoopman inde Logie tot
Bantam, Op morgen sal gaen naer Jacatra, om te sien van watt
sinne den Conninck daer is, ende offmen het accoort met hem ouer een
Jaer begonnen op de gepresenteerde Conditien soude connen volbrengen
ende ons datelyck adviseeren vant tgene passeert op datter yemant
wt den Raet afgeveerdicht worde tot voordre ordre —
Ende alsoo dese sake soo haest niet van geeffectueert worden, ouer
mits de traecheyt van dese Coningen ende den tyt naer by is, dat
de Schepen naer de Moliques ende andere plaetsen moeten
vertrecken, is goetgevonden, dat het verouerde schip Ternate,
hier voor eerst sal gehouden worden inde plaetse van een packhuyse
ende dat de Cleeden wt de cleijnne Sonne, die niet naer Ternate
Amboyna ende andere plaetsen connen versonden worden Int voors
Schip Ternate sullen geladen werden met dat de sake van Jaccatia
In effecte sal gebrocht syn
Is oock goetgevonden aengesien nootwendich eenich Schip naer den
Luste van Cormandel met eenighe Coopmanschappen dient gesondt.
ende tegenwoordich als niet inde Logie daertoe en hebben, dat het Jacht
den hasewint hem met den eersten sal gereetmaken om te gaen naer
Grece om aldaer in te nemen het Sandelhout, daer ouer 2 Jaren
wt de eendracht gelost, alsoo tselue hoochnoodich op de voors. custe
van doen is, ende hem met den eersten wederomme herwaerts spoedigh
om alsoo met het voors Sandelhout ende andere Coopmanschappn
die ondertusschen wt de Schepen die van Patane syn verwachtende
sullen connen lichten, als oock de aduysen ende Ordre vande heeren
bewinthebberen naer de Cust van Cormandel te vertrecken
Ende alsoo in Ternate hoochnoodich eeninge Jachten vandoen syn om
deforten aldaer van rys ende andre nootlyckheyt te versien, Is goet
gevonden dat het Jacht den Griffioen met den eersten van hier sal
vertrecken naer macasser, ende daer syn last ingenomen hebbende van rys
syn reyse by noorden Celebes vervoorderen naer Ternate, ende hoe
wel wij verstaen de cleynne Sonne dinstiger soude syn om derwaerts
te gaen, ouermits meerder quantiteyt goederen soude connen aen de merckt
brengen hebben hem nochtans derwaerts niet dornen comiteeren gemerct
synne groote moest ende boechspriet In Stucken is, ende daer door —
lichtelyck van synne reyse soude connen versteecken blyuen, ende noch
eenighen tyt sal van doen hebben om het volck wiens tyt verloopen is
te veranderen ende eenighe nootelycke Reperatie te doen
Is oock goetgevonden dat de Cleynne Sonme opt' Spoedichste
mogelyck synde sal vertrecken naer Banda om daer plancken boomen
ende andre nootlyckheden te brenghen, Alsoo by faulte van ligger
dese plaetse noch oock de Molucques niet van Arrack en connen
vsien, dwelck ter compste vande nieuwe vloote sal moeten geschieden
Aldus gedaen ter vergaderinge ten dage ende Jare als bouen
ende was onderteeckent,
Jacques L‛hermite de Jonge
Wemmer van Berchem
Jan Diercksz
Cornelis Corneliss thart
Arent Maertsz
5