Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 281

29
Doende om noch een partije Pepers te coopen voor het Schip
Polandia dat In December hier syn verwachtende van Amboyno
ende nyet meer als syn halve last sal brenghen, op dat nergens
nae en hebbe te wachten, Ick hoope een goede partye a 1½
oft weynich meer te becomen dat seer goeden coop Is, ende waert
saecke de cleeden hadden moghen lossen, soude boven de ladinghe
vande provintien de packhuysen al weeder vol hebben, alsoo de
Javaense Sorteringhen redelyck goet syn, ende doordien een goett
gewas van Peper Is geweest wel vercocht souden worden, dwelck
No ten deele sal moeten achterblyven, Dan nieterin hoope soo In
Jacatra connen te weege raecken, datmen daer oock een groote
partije sal connen vercoopen — hebbe voorts In dit Schip
geladen een Besalcken no 3. met 386 ste. Diamanten wegende
tsamen 154½ caraet, 3000 sacken Patamse peper hulwt
het Jacht den Griffoen gelost, een casken met eenighe Syde
wercken en geborduerde deeckens en 100 groote porceleyne schotels
als uwe E breeder byde medegaende facture sullen comnen sien
Opt Stuck vande Porceleynen en lackwerck sullen voortaen
wel letten ene sien met de chrnesen te contracteeren datse
daeraff jaerlyckx goede partye brenghen, want het gene
tot noch toe gebrocht hebben Is nyet veel te beduyden geweest
ende meest al slecht goet waerdoor deselve nemmermeeren
hebbe derven coopen om naert vaderlandt te shuden wel weetende
dat daer nyet als ver Currens goet en dient, daerenoopen soo
wort het porceleyn hier ordinaerlyck soo dier vercocht principa
lyck alser Scheepen syn die tselve terstont op hooghen prys
Jaghen, dat Ick sonderlinghe gheen proffyt daerop en can
Reeckenen Dwelck Ick achte wel beeteren sal. Alser ordre
sal gestelt syn dat de Bootsgesellen en andere voor haer selven
Daeraf nyet en sullen myghen coopen, dwelck Ick achte haer
Swaerlyck sal connen te wege gebricht worden, Overmyts door
Ende gewoonte seer Is Ingewortelt, het lackwerckdat van
china compt Is gemeenlyck heel slecht soo dat het nyet
seer dienstich en Is om over te schuden ende valt oock heel
dier, Ick hebbe eenich lacwerck gesien In het Schip den Leeuw
met pylen dat van Japon quam dat verschoon en pertinent
was, Alwaermen seer gevoechlyck sal connen becomen ende oock
laten maecken tgene men dies aengaende soude moghen van
doen hebben, dwelck met het eerste Schip dat derwaerts soude
moghen werden gedestineert, aen Jacques Speckx die daer
voor coopman gelaten Is sal advirseeren, Alsmen desen handel
Op Japon soude continueeren, dient wel metten eersten eenich
Schip van Patane Derwaerts gesonden, om daer eenighe
goederen te brenghen die Ick achte s Spreuckelgereet
sal hebben, met het tardeeren vande nieuwe Scheepen
en hebben gheen middel gehadt om yemandt derwaerts te schuden
Dwelck wel noodich hadde geweest, alsoo by faulte vandien