Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 263

Laus des Ady 10. November 1610 In Bantam
Erentfeste Manhafte Voorsienighen seer discreete Heere
10 November 1600
O. schryuen vanden 26en. Augusti met de Copye vande
brieven ouer Grece gesonden, is mij door het Jacht den Griffoen
wel geworden, maer de brieven ouer Grece en syn my tot noch toe
nyet behandicht.
Den ontfanck vande Cleeden met het voorss. Jacht den Griffoen
gesonden hebbe seer geerne verstaen, maer dat vE. de petas, ende
Dragams soo groff ende bepleckt heeft gevonden, datse nyet venbaer
en syn weete nyet wat daer op sal seggen, alsoo van andere plaetsen
oock diergelycke clachten ouer de Cleeden met het Schip d'eendracht
over 2 Jaren ontfanghen, hoore. ende princepalyck vandie van petaxol
Door Lucas Janssen Inne Gecocht, Dan daer en is nu nijet toe te
doen, men moetse sien te vercoopen ouer datse syn, ende de Cooplieden
die daer liggen, daer af waerschouwen, op dat Int Incoopen beter
achtinge mach genomen werden, ende vreese dese ofte diergelycke
faulten voortaen al meer sullen werden gevonden princepalyck als
de liggers verandert worden, ende die nieuwe connen altyt voor eerst
minder experientie hebben.
Met brenger deses Sr. Jan Diercksz Lamben ve: seyndende 53 packen
met verscheyden soorteringhen van Cleeden, waer af de 36 nw eerst
met de Somme vande Cust hebbe ontfanghen, twyfele nyet oft
deselve sullen beter als de andere bevonden worden alsoo Sr. Pieter
Isacksen saliger, hem op den handel vande Custe boven andere door syn
Lange experientie seer wel verstondt v. E. biddende my vande bevinding
der selver een weynich te aduiseeren, ende wat conleuren de beste sy
te weten die van petapoelie, ofte inisilipatam ende mij sal sonder
Linge vrintschap geschieden U. E. gelieue oock een memorie
te laten maken, wat sorteeringe van cleeden, ende hoe veel
van elcx daer Jaerlycx soude connen vertiert worden, daer Inne alder
hande sorteringe stellende want hoe wel tot noch toe alles nyet nae
onsen wille en hebben connen becomen, hoope nu voortaen met den peys
als oock door dien uw een Comptoor, In Palicatte is gestelt beter
tot ons gerief sullen connen geraken.
Tgene dat v. e. by syne memorie is ontbiedende, hebbe soo nae gesonden
als doenlyck is geweest dan Carnams, Bengalise Cassas, Ara¬
ende andere hebben dit Jaer niet becomen, de Chavenis goet synd
sullen goede quantiteyt connen laten maken, waer op vi E. aduy
verwachte vande oude cleeden ben met desen meer seyndende als
wel gewilt hadde, dan geschiet door dien hier tot Bantam teghen
woordich nyet seer versekert en syn, ende nyet veele capitaels
hier en betrouwe, de oorsake hier af is de veranderinge vant gonner
nement, dwelck nu gevallen is Inde handen van des Coninckx Oom
12
5 R VIS
AREHIER.