Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 209

1 December 1608
Erentfeste wyse vorsumnghe seer Discreeten Heeren
Teedert het vertreck vande Scheepen van hier hebben tidinge
gecreegen dat het schip de groote Sonne in see seer leck geworden,
Is waer door wij de heer Vicce Admirael ende den breeden raet
goet gevonden is het selve wederom herwaerts te laeten
comen om hier te lossen ende voorts int landt te gebruijcken —
alsoot nu niet overgevoert en sal connen werden dwelck seer
qualyck compt alsoo de selve ladinge apparentelyck een Jaer
salle geretaerdeert sijn waerdoor de nooten van Grece gelaeden
gansch verdorven ende tot Stoff sullen geroeken waer het schip
Gelderlandt nu hier soude metter haest sijn ladinghe connen hebbe
ende dit Jaer vertrecken dan wij ene hebbender tot noch toe niet
aff vnomen. Soo dat niet en twyffele oft sijn wederom naer —
Ternata oft Ambiona geloopen
Dewijel de scheepen onder lampen ligghen ende wachten om alle ordre
int schip de groote sijnne te Stellen, vant veranderen vant volck
als andersins js hier garriveert het Schip Gouda comende,
van Patavia ende Johor meest vollaeden met peeper het
welcke in aller Dilligentie ben derwaerts despacheerende
om aldaer tgene hem soude gebrecken van syjne ladinge als oock
van Victualie vant Schip de groote somme overtenemen ende
met de Andere scheepen te mogen Seilen dwelcke wel nodich
sin sall aengesien oock een heel oudt schip is Godt de heere
wilse alsamen behouden reyse verleenen ende met lieff int varder
lant laeten coomen—
Opden 18 Deser is hier gearriveert een kleyn Jachten ofte Calou
ve byden heer Admirael verhoeff herwaerts gedespacheert van —
Custe van Malabaer, waermede seer gerne verstaen hebbe syn
voorspoedich arrivement aldaer schryft van sinne was recht naer
Mallacca te loopen als uwe E. bijde Coppije vanden miedegeen
brieff sullen connen sien waerover het voorsz. Jacht volgen syn
ordre op 19 deser wederomme derwaerts hebben gedepacreert
daer bij Adviseerende tgene hier in dese quartieren was passeer¬
ende om hem daer naer te mogen Reguleeren naer die tydin
ge daer ons Goude brengt is mallacca seer gefortificeert
ende de fuctualie seer goeden coop maer daer is weynich
volck binnen soo dat ick vreese aengesien de onse wederom
een stercke vloote scheepen op haeren zals syn verwachtende wer
nich sullen wtrichten ten waere meter haest met alle gewelt
aengetaeft wirden waer toe de Soldaeten die inde vloote
sijn wel sullen te passe comen Tgeene haer meest gebreecken
sall is cruijt ende coegels alsoo ick verstaen daer aff niet
beter als de vloote vanden Amirael Matelieff sin oersien
28 November 1608
Veade terata
Caus deo Ady Pm. Decembres 1608 In Bantam
bul1l asten
Copie
1