Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 26

Is voor eerst goet gehouden alsoo tschip twapen van
Amsterdam, noch sonder groote mast was, ende
nootwendich eenen van doen hadde, dat hy alhier
soude houwen, alsulcke houten daer toe van doen sijnde
om ter gelegender tit tsij In Banda off andere
plaets den Selven mast te mogen maecken.
Is goet gebonden dat vande schepen alhier alle dage
aent lant sullen d'aen tien persoonen, die t'sabonts
sullen maecken, voor de trommel
slach weder aen boort
te wesen, ende datser nietmant hem vervoorderen
sal anders aent lant te comen. op peene van drie
dagen Inde Isers geseth te worden, ende wie des
snachts aents' lant blijft sal drie dagen Inde Isers
sitten verbeurende nieteman een maent Sagie
s claes ontgers smit schipper van witte Leeuw
geordonneert, alsoo hy twee balen doet hadde voor
de Generale schepen, dat hy soude ouerheben aent
schip twapen van Amsterdam, en t Schip den
swarten leeue elc 200 ellen.
Al soo nootwendich alhier In Jndien Cooplieden
van noode sijn, omme te verlossen alsulcke die
haren tijt geexpireert is, ende gaerne na t vaderlant
soude vertrecken, Soo is goet gevonden dat Jacob
van schaerlaecken oppercoopman opt schip Hollandic
(hoe wel noch eenige maenden alhier In dienste
vande Comp:e soude moeten blijven:) alhier noch
drij Jaren Int lant sal blijven, treckende alle
Maenden voor gagie twee ende seventich guldens
Gedaen int Casteel amboijna desen 20 feb
Pieter Bot
Frederic de houtman
Sleven doenst
Jasper Janssen
Abraham theunemane
was onderteeckent
Den heer Gounernr. Generael heeft
sijnen raet doen vgaderen om te
resolveren tgene dat noodich Is
@o. 1611