Blader door transcripties » Stadsarchief Amsterdam

archieftoegang 5075, inventarisnummer 173, pagina 4

commende, te doteren, (: by soe verre zy sulcx met advijs
ende consent vanden lancxtlevende doen ende
anders niet :) met sodanige goederen als die selve
In syn off haer gemoet ende Discretie nae
exigentie vander Saecke zal bevinden te behoiren
in plaetse van haer legittime portie ende dit
al niet tegenstaende eenige wetten statuten
keuren oft Ordonnantien ter contrarie die hij mits desen
derogueerden als malcanderen vastelyck vertrouwen dat
die lancxtlevende van hen beijden die kinderen niet en sal
vercorten ende by soe verre die lancxtlevende van hen
testateurs, weder quame te huwen, ende van State
te veranderen sal die selfde In sulcken gevallen
gehouden syn, die voorss. kinderen haer eerst overleden
tzy vaders oft moeders erffenisse te bewysen
namentlyck die gerechte helfte vande goeden alsdan
In wesen synde welcke voorss. bewysinge sal
geschieden, voerde twee navolgende persoonen by ware
woorden vande lancxtlevende In plaetse van eede
sonder dat yemant daer tegens sal mogen opposeren
constitueren d' voorn. testateurs elcx reciproche
den selven lancxtlevende van hun beyden In sulcken gevalle
als oppervoocht ende daer toe den eersamen dirck queckel
ende pieter heynsen samen, als momboirs over hare voorn.
kinderen, Omme gelyckel. alle der selver kinderen goeden
regeren ende Administreren sulcx zijluijden ten meeste int
ende proffyte bevinden sullen te behoiren, versouckende
vrundtelyck aende voorn. Oppervoocht ende momboirs
d' selve last te willen aenvaerden, ende In alles t' beste
doen, Gevende henluyden daer toe alsulcke cracht
macht ende Auctoriteijt als executeurs van testamente
nae rechte competeert Ond Behoudel. soe een van
beyden Overlede, dat den overgeblevene met advys
vande lancxtlevende een ander goet ende bequaem man In
plaetse vande overleden sal mogen kiesen, houdende
d' selve electie van sodaniger cracht als ofet by hen
testateurs geschiet ware, sonder dat die voorss goeden
den weescamere deser Stede oft andere steden eenich
sins sullen mogen syn subject, niet tegenstaende eenige
wetten oft Ordonnantien vande weescamere
ter contrarie den welcke hy als voren dero¬
gueerden, wilden mede, Ingevalle hare kinderen, alle voerden
Deser
lancxtlevende van vader oft moeder
werelt overleden, sonder voirdere Descendenten nae
te laten, dat indien cas die lancxtlevende syn oft haer
leven lanck geduyrende alle ende yegel. die voorss. goeden In rechte
lyftochte sal blyven behouden ende besitten, ende naer desselfs
overlyden sullen d' selve goederen, erven ende versterven
namentl. deene gerechte helfte op de naeste
vrienden vande eerst afflivigen ende dander helfte
opden erffgenamen vande Lancxtlevende van hen beyden
testatersse mits desen
bespreect voorts
met believen vande haren man die testateur haren man, aen haer
moeder wte gemeene goeden die somme van twaelff gul.
sjaers haer leven lanck geduyrende ende langer niet
Item legateren alsnoch, te weten deerst afflivige
van hen beyden aende armen vande gemeente vande gerefor¬
meerde religie binnen deser stede, daer die
Deakenen wtdeelders van syn hondt gul. eens stracx
naert overlyden van en van beijden wt te keeren.
Alle d' welck seyden die testateurs te wesen
haer uterste ende laetste wille twelck zij wilden
dat volcommen voortganck hebben ende effect sorteren sal,
t' zy als testamente, codicille, oft andere maeckinge, niet
tegenstaende alle solempniteijten van rechten hier inne niet
geobserveert zijn daer van zij begeerden gehouden te
wesen voer geexcuseert Sonder Arch ende list, versouc¬
kende voirts aen my norio. voorn. wettel. stipuler. hier
van gemaect te werden Instrumenten openbaer en oft
meer Inder bester forme. Gedaen binnen der voorss.
Stede van Amstelred. ten huijse vande testateurs gestaen
opde nieuwen dijck ter pntie. van Jan thunissen ende
Jacop van Schaerlaken getuygen hier toe
versocht gerijt hendrijckxss
solt holem bij mijn
aeltijen ijacops
Jacob van Schaerlaken