Blader door transcripties » Stadsarchief Amsterdam

archieftoegang 5075, inventarisnummer 173, pagina 3

Inden Name ons heeren Amen Inden Jare vande
geboorten desselffs Ons heere ende
Salichmaeckers Jhesu christy Duysent vyff
hondert Negen ende tnegentich Indictione
Duodecima, Opten xvijen Septembris tsavons
die clocke omtrent acht uren Impererende
die hoochgeboorentste ende grootmachtichste
forst ende heere Rudolpho, byder gratien
Godts den tweede roemsche keyser, van dier
name altyt vermeerder s'rijcx Int dryentwintichste
Jaer synre keyserl. Electie, Syn
Openbaer
voer my Jan fransen bruijningh
Notaris tot Aemstelrede. residerende
byden hove van hollandt geadmitteert, ter presentie
vanden getuijgen naegenoempt, In eijgener persoenen
D'eersame Gerrit
verschenen
hendricxsen Southolm ende Aeltge Jacops dr
echte man ende wyff wonende binnen deser
voorss. Stede Aemstelredamme My nots.
seer wel bekendt sijnde beyde gaende, staende,
gesondt van Lichamen, ende haer verstant volcomel.
gebruyckende Alst uterlyck bleeck ende scheen,
Considererende ende Overleggende, die
fragiliteyt ende broscheyt, vander menschenlycke natuijre
nimmermeer blyvende In eenen Staet ende
dat die Natuyrlycke Doot allen menschen
seecker is, Ende Die ure van Dien seer onseecker
begeerden d selve onseeckere ure des Doots mits
testamentelycke dispositie te prevenieren omme
nae haren dootlijcken aff ganck te precaveren ende
verhoeden, allen twist, tweedracht, ende swaricheijt,
die soude mogen ontstaen ende oprijsen, hebben inder
bester forme, ende nae Stijle van rechte
met vryen ombedwongen wille zoo zy seyden gedispo
neert over haer testament ende uterste wille
In Manieren navolgende, Inden eersten hebben
die testateurs gerevoceert wederroepen, ende te niet gedaen
revoceren, wederroepen ende Doen te niet by desen
Special. alsulcke testamente ende uterste wille
als zy testateurs voer my nota. ende seeckere getuygen, opten
24 January xvc vyffnentnegentich gepasseert
hebben, mitsgaders alle andere maeckingen contracten
oft houwel. voirwerden voer date deses gedaen hoe
ende In wat manieren sulcx geschiet soude mogen wesen
Sonder dat d' selve eenige voorder cracht
sullen hebben oft effect sorteren, Bevelende voerts hare
Sielen Inde handen ende bermhertichheyt Godts
Almachtich ende hare Lichamen der christel.
begraeffenisse, ende op nieuw te Disponeren ende
hebben d voorn. testateurs geinstitueert
ende genomineert zoe zy Institueren ende nomineren by desen
Lysbeth ende Merry Gerrits dren. hare twee kinderen byden
anderen geprocreert. Ende die zy noch doer Godts
genade souden mogen procreeren tot haer eenige ende universele
erffgenamen In alle ende yegel. die goederen, soe werende
als Onwerende, renten Actien crediten, coopmanschappen
ende alles wes zy testateurs eenichsins metter doot
ontruymen ende achterlaten sullen, niets wtgesondt.
Onder expresse conditie ende limitatie dat die
lancxtlevende van hen testateuren syn oft
haer leven lanck geduijrende oft tot wederhouwelycken toe
ende langer niet sal blyven behouden besitten ende
gebruijcken, alle ende yegel. die voorss. goederen,
Ende daer mede evenwel doen handelen ende trafficque¬
ren, soe hy oft zy Inder ^ te raide vinden sal, Sonder
gehouden te syn den heeren weesmrn. deser stede
de naeste bloetvrienden vanden eerstoverledene
oft yemant anders te geven eenigen inventaris oft
bewys, reeckening reliqua oft opening vande Staet
te doen veel min cautie oft verseeckertheyt te
stellen in eeniger manieren, dan alleenl. die voorss.
kinderen naede quantiteyt van heure goeden eerlyck
te onderhouden in cost clederen Schoolgaen ende
andere corporele nootdruften, die selve ter deuchden
te stieren, ende ten houwelycke state