Blader door transcripties » Stadsarchief Amsterdam

archieftoegang 5075, inventarisnummer 173, pagina 39

Inden Name des heeren Amen, Inden Jare
vander geboorten desselffs ons heeren ende
Salichmaeckers Jhesu Christi, duijsent vyff¬
hondert negen ende t'negentich, Indictione
Duodecima, opten thienden novembris nae
middaechs die clocke ontrent drie uuren,
Impererende die hoochgeboorentste ende
grootmachtichste forste ende heere Rudol¬
pho, byder gratien Godts, die twede Room¬
sche kayser van dier name, altyt ver¬
meerder srycxs int xiije Jaer synre kayser¬
lycke electie, Syn ter presentie van
my Notaris publycq, ende den getuygen
naegenompt, in eygender persoenen gestelt
D'eersame ende seer discrete Willem
Monicx ende Aelcken van Liebergen
Jans dr, syne wettige huysvrouwe beijde
gebooren t' Shartogenbossche, ende tegen¬
woordelyck binnen haerlem woonachtich,
my Nots. wel bekendt synde, geassisteert
die voorss. Juffre Aelcken metten voorn.
Sr. Willem Monicx, haren wettigen
man, ende voocht, gaende, staende, cloeck
ende gesondt van Lichamen wesende, ende
haer vyff sinnen redene ende memorie
volcommelyck gebruyckende, alst wtwende
lyck bleeck ende scheen, Die welcke
aenmerckende die Swackheyt ende
brosscheyt der menschelycker natuyren, dat
op deser aerden niet seeckerder en is dan
die doot, ende niet onseeckerder dan die
tyt ende uure desselffs, begeerden daer¬
omme die selve onseeckere uure des doots
mits testamentelycke dispositie
39
39
te premenieren, Omme nae haren Dootlycken
affgangh te verhoeden, alle twist tweedracht
ende onminne, die ter cause van haer nae¬
te laten goeden soude mogen ontstaen ende
oprysen, hebben daeromme (niet wt bedroch,
bedwanck oft door yemanden met quaden raide
ende Ingeven daer toe gebrocht of sinister¬
lyck gepersuadeert synde :) maer met vryen
ende onbedwongen wille, rechte wetenschap
ende wel bedachten moede, lange te voiren
daer op gecommuniceert hebbende soe zy seyden
gedisponeert over haer testament, wterste
ende laetste wille, in manieren naevolgende,
Inden eersten hebben die testateurs gere¬
voceert, wederroepen, doot, ende te niete
gedaen, als zy revoceren, wederroepen, dooden,
ende doen te niete mits desen, specialycken
alsulcke houwelijcxse voirwerden, als zy testa
teurs voer tconsommeren van haerlieder
houwel., inne gegaen ende gemaeckt
hebben, mitsgaders alle voorgaende testa¬
menten, codicillen, donatien, ende ande¬
re dispositien, by hen tsamentlyck oft
elcx int perticulier voor date deses gepas¬
seert oft bekendt, voor wien, ende wat
publycque persoonen, sulcx gedaen, ende wat
van woorden
Manieren, dat die schriftelyck oft metten
monde gesproocken ende geschiet soude
mogen syn, willende dat alle die selve
sullen wesen gehouden, ende geacht werden
als nul, negeen, ende van onwaerden, sonder
eenigen cracht te hebben, oft effect
te sorteren Bevelende voorts hare sielen
soe wanneer die wt haer lichamen sullen
Commen te verscheyden inde