Blader door transcripties » Stadsarchief Amsterdam

archieftoegang 5075, inventarisnummer 173, pagina 35

off kinderen van haeren lyve geprocreert hebbende
naetelaeten dat indien gevalle d'ander helfte
van alle ende yegel. die voorsz. goederen weder
gaen commen erven ende succederen sall op syn
testateurs naeste bloetvrienden ende
erffgenamen sonder daer van te moegen vervreemden
ende inde andere twee derde paerten van alle ende
yegel. die voorsz. goederen die hy testateur
ongedisponeert mette doot sal ontruymen ende
naelaeten heeft tot syn eenige ende
universele erffgenamen Jure Jnstitutionis
met vollen rechte van Jnstitutien gein¬
stitueert ende genommineert Jnstiueerde ende
nommineerde by desen Jan van hoochstraeten
Franchois van hoochstraeten Guilliame
van hoochtstraeten ende Lysbeth van hoochtstraten
syn broeders ende suster, elcx in een gerechte
vierde paert, hooft voor hooft in te tasten, ende
even veel vande voorsz. syn resterende g nae
te laetene goederen te genieten, behoudel.
soo verre eenige van de selve voor hem
testateur deser werelt quame te overlyden
kint off kinderen in echte geprocreert nae
laetende sullen die selve succederen in haer
Overleden vaders off moeders plaetse by
representatie ende niet eenige kintskinderen,
sulcx dat te verstaen ende die meijninge
van den testateur is, soo eenige van syn broeders
off suster voor hem quamen te overlyden
ende geen wettige kinderen in levene hebbende ten
tyde van de testateurs overlyden dat geen
kints kinderen yets van syn achter te latene
goeden sullen genieten ende op dat dese syne
testamentaire dispositie volcommel. geexe¬
cuteert ende naer sijn inhoudt geeffectueert
soude moegen werden, heeft hy testateur
geeligeert ende gedeputeert eligeerde ende
deputeerde mits desen tot executeurs van
dese syne uterste ende laetse wille den
eersamen Jan beucken ende marten vinck
poorters der stede Aemstelredamme
begeerende ende ordoneerende expressel.
38
mits desen sonder yemants contradictie dat sy alle
ende yegelijcke syn naete latene goederen
by den andere sullen, sullen versamelen vorderen Jnnen
eysschen recouvreren ende Ontfangen Jtem de
schulden ende lasten van t sterffhuys als oock
die legaeten ende anders te betaelen, alle
reeckeningen van t sterffhuijs met eenen yegel.
geheelyck snyneren ende liquideren voor dat eenige
deelinge sal moegen geschieden ende alles doen
wesen tot vonderinge liquidatie van syn
sterffhuys van noode sal wesen ende dien volgens
die voorsz syne goederen distribueren ende wtdeelen
naer teneur ende inhoudt van dese syne
uterste wille daer toe hy henlieden tsamentl.
ende elcx int perticulier mits desen gevende
alsulcke generale ende speciale macht
cracht ende aucthoriteyt als executeurs van
testamente nae rechte competeert toevougende
hen voor haer dienst ende moeyte elcx een
silveren schael van de waerde van vyftich gul.
t stuck oft soo veel gelt daer vooren sonder
dat yemant van de erffgenaemen Jnde tyt
van ses maenden nae syn overlyden sal derven
spreecken van eenige deelinge oft anders noch
die executeuren deses met moeyl. vallen oft
contraire attenteren met woorden oft wercken
directelyck oft indirectel. in eeniger
manieren op pene dat den contraveneur sall
verbeuren d' helfte van tgene hem wtcrachte
deses Competeert tot behouve van den Armen
Alle dwelck voorsz staet die voorn. testateur
verclaerde te wesen syn testament uterste
ende laetste wille twelck hy wilde dat
alsulcx oft als codicille gifte ter cause des
doots onder den levenden oft anders soo een yder
testament ende uterste wille aldaer
vaste ende crachtichste plaets houden ende
subsisteren sal moegen van goeder waerden
gehouden te hebben ende volcommen effecte
sullen sorteren vanden minste totten meesten
articule toe daer inne geconprehendeert