Blader door transcripties » Stadsarchief Amsterdam

archieftoegang 5075, inventarisnummer 173, pagina 34

Adriaen van hoochstraeten Inwoonder der stede
Aemstelredamme my nots seer wel bekent
synde gaende staende clock ende gesondt
van lichaeme ende syn verstandt
redene ende memorie wel hebbende ende
volcommel. gebruyckende Alst uterlyck
bleeck ende scheen die welcke Innesiende
des menschen Cranckheyt ende broosheyt die
seeckerheyt des doots ende d'onseeckere ure
vandien begeerde die selve voor te commen mits
testamentelycke dispositie Omme nae
synen dootelycken affganck te precaveren ende
te voerhoeden allen twisten tweedracht ende
Omminne die ter Cause van syn naete
laetene goeden souden moegen ontstaen ende
op rysen heeft daeromme inder bester
forme style wege ende maniere soo hy
nae rechte dat best ende vastelycxte
doen conde ende mochte niet wt bedroch bedwanck
oft door yemanden met quaden raide ende in
geven daer toe gebrocht oft sinisterlyck geper¬
suadeert synde maer met vrye ombedwongen wille
lange te vooren daer op bedocht ende gecommu¬
niceert hebbende soo hy seyde gedisponeert over
syn testament uterste ende laetste wille in
manieren naevolgende eerst ende alvooren
heeft die testateur gerevoceert geannuleert
ende te niete gedaen revoceerde annulleerde
ende dede te niete mits desen alle voorgaende
testamenten codicillen giften oft andere
maeckingen by hem Comparant eenichsins
gepasseert oft bekendt voor wien oft wat
publycque persoonen sulcx geweest souden
moegen syn sonder dat die selve eenigen voirder
cracht sullen hebben oft effect sorteren
Belvelende voorts syn siele inde onbegrypel
bermherticheyt Godts almachtich ende syn
lichaem der Christelycke begraeffenisse
ende op nieuws disponerende heeft die testateur
gelegateert ende besproocken legateerde ende
besprack mits desen aende armen vande gemeente
der gereformeerde religie binnen deser stede daer
die diakenen wt deelders van syn die somme van
twee hondert karolus guldens die arme
34
Leprosen Item vyftich guldens die huysarmen
ende vyftich gelycke guldens die arme leprosen
tot behouve van t selve leprosen huys tstuck
van elcker der selver guldens tot xx stuy. gereckent
verclaerde voorts die voornomde testateur dat
Janneken van hoochstraeten syn beminde suster
byde welcke hy tegenwoordelyck is woonende
hem veele getrouwe diensten hulpe ende
assitentie gedaen ende bewesen heeft ende in
Godt wil noch voort aen doen ende bewysen sall
sulcx dat hy schuldich ende gehouden is tselve
te recompenseren heeft Oversulcx ten
respecte vandien als omme meer andere deuchdel.
redenen syn gemoet ende conscientie soo hy seyde
daer toe moverende eerst die voornomden Janneken
van hoochstraeten gelegateert ende besproocken
legateerde ende besprack mits desen alle den
huysraet ende Inboedel met allen tgene daer
vooren gereeckent werdt in allen schyne tselve
ten tyde van syn overlyden in synen sterffhuyse
bevonden sal werden ende bovendien heeft
die testateur die voorss. Janneken van
hoochstraeten syn suster geinstitueert ende
genommeert Institueerde ende nommeerde by desen
tot syn erffgenaeme in een gerechte derdepaert
van alle ende yegel. die andere goederen soo
roerende als onroerende renten actien crediten
coopmanschappen ende alles mede alreede
gewonnen oft noch te winnen die hy testateur
boven tgunt voorss. metter doot ontruymen ende
achter laeten sall egeene wtgesondert Toestaende
ende consenteerende mits desen die selve
Janneken syn suster by gevalle sy sonder
kinderen ende wettige lyffgeboorten quamen te over
lyden alleenlyck vande gerechte helfte
der selver goeden daer Inne sy als vooren is
geinstitueert sal moegen disponeren maecken
geven ende legateren nae haer geliefte
ende alles voorts mette helfte der selver
goederen doen soo sy te raide sal vinden sonder
yemants tegenseggen Onder expresse
restrinctie soo verre die voorn. syn suster
deser werelt quame te overlyden Sonder kint