Blader door transcripties » Stadsarchief Amsterdam

archieftoegang 5075, inventarisnummer 173, pagina 21

oft steden desen contrarierende versouckende
voorts aen my notario voorn. wettelyck stipu
lerende hier van gemaect te werden een
oft meer Instrumenten Openbaer
inder bester forme Gedaen binnen der
voorss. stede van Aemstelredamme ten
huyse myns nots. ter presentie van Gerrit
Dircxsz ysercramer tot deventer ende
Abraham Joosten schoenmaecker poorter
deser stede getuygen hier to versocht ende gebeden
Inden name ons heeren amen, inden Jaere vander
geboorten desselffs ons heeren ende salichmaeckers
Jhesu christy duysent vyff hondert negen ende
tnegentich indictione duo decima opten xxyen
October naemiddaechs die clocke omtrent
twee uren impererende die hoochgeboorenste
ende grootmachtichste forste ende heere
rudolpho byder gratien Godts die tweede
roemsche kayser vandier name altyt vermeerder
srycx int drientwintichste Jaer synre kayserl.
electie Compareerde voor my Jan
Franssz bruyninck Openbaer nots. tot
Aemstelredamme residerende by den hove
van hollandt geadmitteert ter presentie vande
ondergeschreven getuygen, nanningh Cor¬
nelissen ende tryn Gerrits dochter synen
wettige huysvrouwe poorter ende poortersse binnen
der voorss. stede my nots. wel bekendt synde
gaende staende cloek ende gesondt van
lichaemen ende beyde haer verstandtt
21
volcomelyck gebruyckende alst uterlyck bleeck ende
scheen, die welcke Innesiende des menschen
Crancheyt ende brosheyt die seeckerheyt des
doots ende d'onseeckere ure vandien begeerden d'selve
mits testamentlycke dispositie te prevenieren
hebben inder bester forme ende nae style van
rechte met vryen ombedwongen wille soo sy seyden
gedisponeert over haer testament ende uterste
wille in manieren naevolgende inden eersten
bevelende haere sielen inde handen ende bermherticheyt
Godts almachtich ende haere lichamen der
Christelycke begraeffenisse, wilden voorts die
testateurs ende ordonneeren expresselycken mits
desen dat die lancxtlevende van hen beyden syn oft
haer leven lanck geduyrende oft tot weder
hylckens toe ende langer niet sal blyven
behouden besitten ende gebruycken alle ende yegel.
die goederen soo roerende als onroerende renten
actien crediten gereet gelt goudt silver gemunt
ende ongemunt ende alles wes d'eerst afflyvige
van hen beyden metter doot ontruymen ende achter
laeten sal egeen wtgesondert sonder den naeste
vrunden vande kinderen myne heeren den wees
meesteren deser stede of eegene andere
cameren oft rechters waer haer sterffhuys
soude mogen vallen ende dese haere uterste wille
geexecuteert werden gehouden te wesen te geven
eenige staet oft Inventaris reeckeninge
bewys oft reliqua te doen veel min cautie oft
verseeckerheyt voorde goederen te stellen in eeniger
manieren ende dit al niet tegenstaende eenige
keuren oft ordonnantie vander weescamer ter
Contrarie die sy met rypheyt van raide mits
desen derogueerden dies sal die lancxtlevende
verobligeert wesen haer beyder kindt oft kinderen
eerlycken op te brengen ende te onderhouden on cost
clederen schoelgaen ende andere corporele nootdruften
die knechtgens aende coopmanschappen te laeten
setten oft eenich ambacht ende die meyskens eenich