Blader door transcripties » Stadsarchief Amsterdam

archieftoegang 5075, inventarisnummer 173, pagina 20

ende grootmachtichste forste ende heere rudolpho
byder Gratien Godts die tweede roemsche
kayser vandier naeme altyt vermeerder srycx
int drientwintichste Jaer synre kayserlycke
electie Compareerde voor my Jan franssz
bruyninck Openbaer nots. tot Aemstel¬
redamme residerende by den hove van hollandt
geadmitteert ter presentie vanden onderge¬
schrevenen getuygen Tryn Jans oudt omtrent
xxij Jaeren iongedochter noch ongehuwt
wesende my nots. onbekendt maer den nae¬
beschrevenen getuygen (soo sy expres. verclaerden
seer wel bekendt synde gaende staende cloek
ende gesont van lichame ende haer
verstandt volcommelyck gebruyckende alst
uterlyck bleeck ende scheen die welcke
Innesiende des menschen cranckheydt ende
brosheyt die seeckerheyt des doots ende d'onseeckere
ure vandien begeerde d' selve mits testa¬
mentelycke dispositie te prevenieren heeft
inder bester forme ende nae style van
rechte met vryen onbedwongen wille (soo sy seyde)
gedisponeert over haer testament ende uterste
wille in manieren navolgende inden eersten
bevelende haere siele inde handen ende
barmherticheyt Godts almachtich ende
hare lichame der Christelycke begraeffe¬
nisse heeft voorts die voornomde testa¬
tersse wt sonderlinge lieffde gunst ende
goede affectie die sy tot Jan thysen haeren
beminden vader is draegende mitsgaders
omme meer andere deuchdelycke redenen
haer moet ende conscientie (soo sy seyde) daer
toe moverende geordonneert gemaect ende
gewilt ordonneerde maecte ende wilde mits desen
20
Dat de voornomde Jan thysen haren vader sall
hebben ende behouden alle ende alle yegelycke
die goederen soo roerende als onroerenden renten
actien crediten egeene wtgesondert die eenich¬
sins by haer metter doot sullen werden ontruympt
ende naegelaeten die selve te moegen vercoopen
verteeren ende veralieneren tot syn alimentatie
ende onderhoudt sonder yemants contradictie den
selven haeren vaeder daer inne mits desen
Institueerende Onder reserve dat die
selve goederen oft tgene nae syn overlyden
bevonden soude mogen werden over te schieten
eeuwelyck ende erffelyck erven ende versterven
sullen op Thijmen Janssz ende Judith Jans
haer halve broeder ende suster die elcx
die gerechte helfte daer van sullen genieten
ende oft gebeurde dat haer vader voorn. voor
haer testatersse deser werelt overlede dat
alsdan nae haer overlyden alle haer achter te
laeten goederen erven commen ende devolveren
sullen op Tymen Janssz ende Judith Jans voorn.
die selve indien cas tot haer eenige ende
universele erffgenamen mits desen Institu¬
eerende ende dat by aldien die voornomde testa
tersse dese werelt quame te overlyden sonder
kindt oft kinderen by haer geprocreert ende
van haeren lyve gecommen nae telaeten
Alle dwelcke seyde die testatersse te wesen
haer uterste ende laetste wille twelck
sy wilde dat alsulcx oft als codicille gifte
ter cause des doots onder den levenden oft
anders soo een yder testament ende uterste
wille aldervaste ende crachtichste plaets
houden ende subsisteren sal moegen van goeder
waerden gehouden te hebben ende volcommen
effect te sullen sorteren niet tegenstaende
eenige keuren oft ordonnantien van landen